ელეონორა ექსანიშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1940 წელს (საფორტეპიანო), 1945 წელს (საკომპოზიციო).

1953 წლიდან პედაგოგიურ მოღვაწეობას ეწეოდა ვ. სარაჯიშვილის სახელობის თბილისის სახელმწიფო კონსერვატორიაში(სპეციალური ფორტეპიანოს კათედრის პროფესორი) და ცენტრალურ სამუსიკო სკოლაში; გარკვეული დროის განმავლობაში მუშაობდა საქართველოს სახელმწიფო ფილარმონიის სოლისტ–პიანისტად; იყო საქართველოს განათლების სამინისტროსთან არსებული მუსიკალური მეთოდკაბინეტის ესთეტიკური აღზრდის სექციის თავმჯდომარე; ხელოვნებათმცოდნეობის კანდიდატი; ძირითადად წერდა საბავშვო მუსიკას, მათ შორისაა: ოპერა "ტყის მეგობრები" (1963), მუსიკალური სცენები "კურდღელი და ბავშვები" (1961), "ზამთრის დღესასწაული" (1963), "საბავშვო სიუიტა" კამერული ორკესტრისათვის (1972), საბავშვო სიმღერები, საბავშვო საფორტეპიანო პიესების კრებული; ასევე: ორი საფორტეპიანო კონცერტი (1944, 1955), საფორტეპიანო კვინტეტი (1945), ორი სიმებიანი კვარტეტი (1944, 1949), სავიოლინო სონატა (1973), საფორტეპიანო სონატა (1973), საფორტეპიანო პიესები, საფორტეპიანო ტრანსკრიპციები(ზ. ფალიაშვილის, დ. არაყიშვილის, ა. ბალანჩივაძის, შ. მშველიძის ნაწარმოებები), რამდენიმე რომანსი.

საკანდიდატო დისერტაციის თემა – "მ. ბალაკირევის საფორტეპიანო ტრანსკრიპციები", დაიცვა 1953 წელს. 

წყარო: Композиторы грузии: Издание второе. – Тб., 1973. - გვ. 268; Композиторы и музыковеды грузии. – Тб., 1984. - გვ. 467

• საბჭოთა კავშირის კომპოზიტორთა კავშირი, წევრი (1945-1991)

• 1967 - საქართველოს სსრ ხელოვნების დამსახურებული მოღვაწე