შალვა ასლანიშვილი

დაბადების ადგილი: დაბა არტანუჯი, ართვინის ოლქი (ახლანდელი თურქეთის ტერიტორია).

დაამთავრა თბილისის კონსერვატორიის თეორიულ–საკომპოზიციო ფაკულტეტი 1927 წელს.

1927–1930წწ. იყო ლენინგრადის კონსერვატორიის თავისუფალი მსმენელი. 1930-1973წწ. იყო თბილისის სახელმწიფო კონსერვატორიის მუსიკის თეორიის კათედრის გამგე. 1945-1950წწ. ედგა სათავეში საქართველოს მეცნიერებათა აკადემიის ისტორიის ინსტიტუტის მუსიკალური ფოლკლორის განყოფილებას. 1927-1950წწ. ჩაწერა აღმოსავლეთ და დასავლეთ საქართველოს მთის რაიონების მრავალი სიმღერა. ამ მოღვაწეობის შედეგად შექმნილი ნაშრომები საფუძვლად დაედო ქართული ჰარმონიის კურსს, რომელიც იკითხება თბილისის კონსერვატორიაში. იგი მუშაობდა მუსიკალური თეორიის, განსაკუთრებით ქართული ხალხური და პროფესიული მუსიკის თეორიის საკითხებზე. "ახალგაზრდა ქართველ მუსიკოსთა საზოგადოების" ერთ-ერთი დამაარსებელი (1922). ხელოვნებათმცოდნეობის დოქტორი (1964), პროფესორი (1966). მუსიკათმცოდნე.

წყარო: საქართველო: ენციკლოპედია: ტ.I.–თბ., 1997.–გვ.230;  ქართული მუსიკის ენციკლოპედიური ლექსიკონი. – თბ., 2015. – გვ.40-41

• საქართველოს კომპოზიტორთა კავშირი, წევრი (1932-1949)

• 1973 - ზაქარია ფალიაშვილის სახელობის პრემია
• 1943 - საქართველოს ხელოვნების დამსახურებული მოღვაწე

• ი.ს. ბახის ორ და სამხმიანი ინვენციები : სახელმძღვ. სამუსიკო სკ. და სასწ. საფორტეპიანო გან-ბის პედაგოგთა და მოსწავლეთათვის (ავტორი). - თბილისი, განათლება, 1987. - 171გვ.
• ქართლ-კახეთის ხალხური საგუნდო სიმღერების ჰარმონია (ავტორი). - თბილისი, 1970. - 187გვ.