რაულ ათაბეგოვი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია ვიოლინოს განხრით (პედაგოგი გ. ხატიაშვილი) 1966 წელს; კომპოზიციის ფაკულტეტი (პედაგოგი ანდრია ბალანჩივაძე) 1977 წელს.

1955–1966წწ. იყო საქართველოს რადიოსა და ტელევიზიის სახელმწიფო კომიტეტის სიმფონიური ორკესტრის არტისტი; 1968–1975წწ. ასწავლიდა თბილისის მეორე სამუსიკო სასწავლებელში; 1966 წლიდან თბილისის მეათე სამუსიკო სკოლაში; შექმნილი აქვს: სიმფონიური ნაწარმოებები – კონცერტი ვიოლინოსა და სიმფონიური  ორკესტრისათვის (1977), სიმფონია (1977, ახალი რედაქცია 1981), კონცერტი ფაგოტისა და სიმფონიური ორკესტრისათვის (1979), სიმფონია №2 "სვეტიცხოველი" გუნდისა და ორკესტრისათვის (1982, კ. გამსახურდიას "დიდოსტატის მარჯვენა" მიხედვით); კამერულ–ინსტრუმენტული ნაწარმოებები – ელეგია სიმებიანი კვინტეტისათვის (1972), რაფსოდია ვიოლინოსა და ფორტეპიანოსათვის (1972), ტრიო ფლეიტის, ალტისა და ვიოლონჩელოსათვის (1972), სამი დუეტი ვიოლინოსა და ფლეიტისათვის (1972), ვარიაციები ვიოლინოსათვის (1973), სამი მინიატურა სიმებიანი კვარტეტისათვის (1974), სონატა №1 ვიოლინოსათვის (1980), სამი პიესა ვიოლინოსა და ფორტეპიანოსათვის (1982), ხუთი მინიატურა სიმებიანი კვარტეტისათვის (1983), სონატა №2 ვიოლინოსათვის (1983), სიმებიანი კვარტეტი (1984). მევიოლინე, კომპოზიტორი.

 წყარო: Композиторы и музыковеды грузии. – тб., 1984. - გვ. 26; 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.60

• საბჭოთა კავშირის კომპოზიტორთა კავშირი, წევრი (1978-19??)