ბარამ ბარამიძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1961 წელს (თეორიულ–საკომპოზიციო).

1951-1953წწ. იმყოფებოდა გადასახლებაში ყაზახეთში; 1959-1964წწ. თბილისის პირველ საშუალო სკოლასთან არსებული სამუსიკო ათწლედის თეორიული განყოფილების მასწავლებელი; 1960 წლიდან საქართველოს კულტურის სამინისტროს ხმის ჩამწერი სტუდიის ხმის ოპერატორი; 1963-1970წწ. განათლების სამინისტროს ბავშვთა მხატვრული აღზრდის სახლის დირექტორის მოადგილე; იმავდროულად, თბილისის განათლების განყოფილების საქალაქო მეთოდკაბინეტის მეთოდისტი მუსიკალურ აღზრდის დარგში; 1969-1970წწ. საქართველოს განათლების მინისტრის თანაშემწე; 1970-1978წწ. კონსერვატორიის ხალხური მუსიკალური შემოქმედების კათედრის მასწავლებელი; 1971-1977წწ. N11 სამუსიკო სკოლის დირექტორი; 1977-1991წწ. თბილისის სახელმწიფო ქორეოგრაფიული სასწავლებლის დირექტორი; 1991-1993წწ. საქართველოს სახელმწიფო ფილარმონიის გენერალური დირექტორი; 1993-2001წწ. თბილისის სახელმწიფო ქორეოგრაფიული სასწავლებლის დირექტორი; 2002 წლიდან - საქართველოს "შ.პ.ს. მუსიკალური ფონდის" გენერალური დირექტორი. მრავალი ფოლკლორული ექსპედიციის ხელმძღვანელი და მონაწილე; მნიშვნელოვანი ნაწარმოებები: სახელმძღვანელოები – მუსიკის სახელმძღვანელო მეხუთე–მეექვსე კლასებისათვის(1973, "განათლება", ჯ. მუჯირთან და პ. შარაბიძესთან ერთად); სტატიები პერიოდულ გამოცემებში; სტატიები ჟურნალში "საბჭოთა ხელოვნება" – "აბესალომ და ეთერის" ახალი კლავირი" (1962), "ლეოპოლდ სტოკოვსკი 80 წლის" (1962), "საკულტო–სარიტუალო ჟანრი ქართულ ფოლკლორში" (1971), "ნიკო სულხანიშვილი" (1972), "ქორმეისტერი ს. იაშვილი" (1973), "ქართული კლასიკური ქორეოგრაფიის მჭედლები" (1978). მუსიკათმცოდნე.

 წყარო: Композиторы и музыковеды грузии. – тб., 1984. - გვ. 48; რეპრესირებულთა ჩანაწერები/შემდგენელი-რედაქტორი ქეთევან ტომარაძე. -თბ.,2020. -გვ.132

• საბჭოთა კავშირის კომპოზიტორთა კავშირი, წევრი (1976-19??)
• საქართველოს მუსიკალურ–ქორეოგრაფიული საზოგადოება, წევრი (1975-)

• 1986 - საპატიო ნიშნის ორდენი