გიორგი გაჩეჩილაძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1971 წელს.

1971–1973წწ. ასწავლიდა მუსიკის–თეორიის საგნებს ქ. სიღნაღის სამუსიკო სასწავლებელში; 1973–1975წწ. იყო თბილისის 68–ე საჯარო სკოლის გუნდის პედაგოგი; 1974 წლიდან საქართველოს სახელმწიფო ტელევიზიისა და რადიომაუწყებლობის ხმის რეჟისორი; დაწერილი აქვს: სიმფონიური და ვოკალურ–სიმფონიური ნაწარმოებები – "დავითიანი", ვოკალურ–სიმფონიური პოემა ბანის, შერეული გუნდისა და სიმფონიური ორკესტრისათვის (1971, ოთხ ნაწილად), შვიდი პიესა სიმფონიური ორკესტრისათვის (1976); კამერულ–ინსტრუმენტული და კამერულ–ვოკალური ნაწარმოებები – ექსპრომტი საყვირისა და ფორტეპიანოსათვის (1967), ნოქტიურნი ვიოლონჩელოსა და ფორტეპიანოსათვის (1967), სამი მინიატურა სიმებიანი კვარტეტისათვის(1968, პირველი შესრულება 1969), სონატა ვიოლინოსა და ფორტეპიანოსათვის(1969), ნოქტიურნი სიმებიანი ორკესტრისათვის (1969), საფორტეპიანო კვინტეტი(1974), შვიდი პიესა კამერული ანსამბლისათვის (1982); საგუნდო ნაწარმოებები – ექვსი მინიატურა საბავშვო გუნდისა და ფორტეპიანოსათვის (1973), სამი ნაწყვეტი VIII და X საუკუნის ქართული ხელნაწერებიდან ვაჟთა გუნდისა და ინსტრუმენტული ანსამბლისათვის (1974), ოთხი მინიატურა შერეული გუნდისათვის ა–კაპელა (1975).

წყარო: Композиторы и музыковеды грузии. – тб., 1984. - გვ. 96

• საბჭოთა კავშირის კომპოზიტორთა კავშირი, წევრი (1978-19??)