თენგიზ ჯაიანი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1960 წელს (საორკესტრო განყოფილება), 1978 წელს (საკომპოზიციო).

1959–1973წწ. იყო საქართველოს სახელმწიფო საესტრადო ორკესტრის "რერო"-ს პიანისტი და დირიჟორი; 1973–1978წწ. საქართველოს ტელევიზიისა და რადიოს საესტრადო ორკესტრის მთავარი დირიჟორი და სამხატვრო ხელმძღვანელი; 1978 წლიდან ა. გრიბოედოვის სახელობის სახელმწიფო რუსული თეატრის მუსიკალური ნაწილის გამგე; დაწერილი აქვს: ნაწარმოებები საესტრადო ორკესტრისათვის – "აფხაზეთის ღამეები" (1966), "მხიარული განწყობილება" (1973), "ხევსურეთში"(1974), "მხოლოდ შენ ერთს" (1977); საესტრადო სიმღერები, მუსიკა დრამატული სპექტაკლებისათვის.

 წყარო: Композиторы и музыковеды грузии. – тб., 1984. - გვ. 148

• საბჭოთა კავშირის კომპოზიტორთა კავშირი, წევრი (1981-1991)