გერმანე ჯაფარიძე

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტი 1964 წელს და ვ. სარაჯიშვილის სახელობის თბილისის სახელმწიფო კონსერვატორია 1973 წელს(საკომპოზიციო).

1956–1959წწ. იყო საქართველოს სახელმწიფო ფილარმონიის ორკესტრის არტისტი; 1963–1967წწ. ინჟინერი, ამავე წლებში ასწავლიდა თბილისის სხვადასხვა სამუსიკო დაწესებულებაში, 1973 წლიდან III სამუსიკო სასწავლებელში მუსიკის–თეორიის საგნებს; შექმნილი აქვს: სიმფონიური ნაწარმოებები – კონცერტი ფორტეპიანოსა და სიმფონიური ორკესტრისათვის(1974), კონცერტი ვიოლინოსა და სიმფონიური ორკესტრისათვის(1975), კონცერტი ჰობოისა და სიმფონიური ორკესტრისათვის(1979), სიმფონია(1981); კამერულ–ინსტრუმენტული ნაწარმოებები – იმპროვიზაცია ფორტეპიანოსათვის(1967), სექსტეტი სიმებიანი კვარტეტის, ფლეიტისა და ფაგოტისათვის(1968), სიმფონია სიმებიანი ორკესტრისათვის(1973), ფანტაზია ექვსსიმიანი გიტარისათვის(1974), სონატა ფორტეპიანოსათვის(1976), "აფექტი" პიესა ფორტეპიანოსათვის(1977), ექვსი ბაგატელი ვიოლონჩელოსა და ფორტეპიანოსათვის(1984); კამერულ–ვოკალური და საგუნდო ნაწარმოებები – "ლირიული ინტერმეცო" კანტატა ქალთა გუნდისათვის ა–კაპელა(1979), "დ. ა. თორაძის ხსოვნას" შერეული გუნდისათვის ა–კაპელა(1984), მუსიკა დრამატული სპექტაკლებისათვის.

 წყარო: Композиторы и музыковеды грузии. – тб., 1984. - გვ. 151

• საბჭოთა კავშირის კომპოზიტორთა კავშირი, წევრი (1975-1991)

• 1957 - ახალგაზრდობისა და სტუდენტთა VI მსოფლიო ფესტივალი(მოსკოვი), ლაურეატი