თამაზ დოლიძე

დაბადების ადგილი: დაბა აბასთუმანი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1960 წელს.

1958–1960წწ. მუშაობდა რესპუბლიკურ ცენტრალურ კლინიკურ საავადმყოფოში; 1960–1962წწ. რუსთავის აზოტის ქარხნის მედნაწილში; 1964 წლიდან იყო ი. ჟორდანიას სახელობის ადამიანის რეპროდუქციის სამეცნიერო კვლევითი ინსტიტუტის ასპირანტი, შემდგომ – უფროსი ლაბორანტი, უმცროსი და უფროსი მეცნიერ–თანამშრომელი, განყოფილების ხელმძღვანელი. ავტორია 38 სამეცნიერო ნაშრომის. ექიმ–ანდროლოგთა ციკლების ჩატარებისას ხელმძღვანელობს კლინიკური ანდროლოგიის კურსს. ექიმი–ანდროლოგი, მედიცინის მეცნიერებათა კანდიდატი.

საკანდიდატო დისერტაციის თემა - "თირკმელზედა ჯირკვლის ქერქის რეპარაციული რეგენერაცია", დაიცვა 1968 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.92

• მედალი "შრომითი წარჩინებისთვის"
• მედალი "ჯანმრთელობის დაცვის ფრიადოსანი"