ზინაიდა ერისთავი

დაბადების ადგილი: ქ. თბილისი.

დაამთავრა მოსკოვის პირველი სამედიცინო ინსტიტუტის სამკურნალო ფაკულტეტი 1954 წელს.

1952-1955წწ. სსრკ-ის ჯანდაცვის სამინისტროს ექიმთა დახელოვნების ცენტრალური ინსტიტუტის მეანობა-გინეკოლოგიის კათედრის კლინიკური ორდინატორი; 1955-1958წწ. ამავე კათედრის ასპირანტი; 1962–1968წწ. იყო ი. ჟორდანიას სახელობის ინსტიტუტის უფროსი მეცნიერ–თანამშრომელი; 1969–1983წწ. ამავე ინსტიტუტის განყოფილების ხელმძღვანელი; 1975-1977წწ. ქ. ალჟირის ბელფორის ჰოსპიტლის უნივერსიტეტის კლინიკის კონსულტანტი; 1978-1981წწ. საქართველოს ჯანდაცვის სამინისტროს პერინატალური მედიცინის, მეანობის და გინეკოლოგიის სამეცნიერო-კვლევითი ინსტიტუტის მეორე სამეანო განყოფილების გამგე; 1981-1984წწ. აქვე-ქირურგიული განყოფილების უფროსი მეცნიერ-მუშაკი; 1984 წლიდან საქართველოს სამედიცინო აკადემიის პირველი სამეანო–გინეკოლოგიის კათედრის პროფესორი; 1984-1999წწ. ქ. თბილისის ექიმთა დახელოვნების ინსტიტუტის (ამჟამად სამედიცინო აკადემიის) პირველი მეანობა-გინეკოლოგიის კათედრის პროფესორი; აქვე-ამავე კათედრის პროფესორი (1999-2002); ავტორია 135 სამეცნიერო ნაშრომისა, მათ შორის 17 საზღვარგარეთაა გამოქვეყნებული, 1 მონოგრაფიისა, 1 მეთოდური წერილისა, 2 მეთოდური რეკომენდაციის; მისი ხელმძღვანელობით დაცული იყო 7 საკანდიდატო დისერტაცია. პრაქტიკულ სამკურნალო მოღვაწეობას ეწეოდა ქ. თბილისის პირველი კლინიკური საავადმყოფოს გინეკოლოგიური კლინიკის ბაზაზე; 1997 წლიდან იგი ამ საავადმყოფოს გინეკოლოგიური კლინიკის დირექტორის მოადგილედ დაინიშნა სამკურნალო დარგში; იყო საკონსულტაციო ბიუროს კონსულტანტი, საქართველოს პერინატალური მედიცინის და მეანობა-გინეკოლოგიის სამეცნიერო-კვლევითი ინსტიტუტის სამეცნიერო საბჭოს, ქალაქის ჯანმრთელობის დაცვის განყოფილების კომიტეტის, საქართველოს ჯანმრთელობის დაცვის სამინისტროს კომიტეტის, ქალაქის პირველი საავადმყოფოს მედიკო-სანიტარული საბჭოს, დიპლომისშემდგომი განათლების სახელმწიფო სამედიცინო აკადემიის ქირურგიული ფაკულტეტის წევრი; დაჯილდოებული იყო მრავალი მადლობით, სიგელით. მეან–გინეკოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "ორსულობა და მშობიარობა დამძიმებული სამეანო ანამნეზის დროს", დაიცვა 1960 წელს; სადოქტორო დისერტაციის თემა - "თრომბოემბოლიური დაავადებების პროფილაქტიკა მეანობაში", დაიცვა 1968 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.99; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.324; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.707-708

• საქართველოს მედიკო–ბიოლოგიური აკადემია, აკადემიკოსი

• 1998 - ღირსების ორდენი
  მოსახლეობის ჯანმრთელობის დაცვაში შეტანილი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისა და ნაყოფიერი მოღვაწეობისათვის