ელიზბარ ლომდარიძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1974 წელს.

1972–1974წწ. ასწავლიდა თბილისის საესტრადო–საცირკო სასწავლებელში მუსიკის თეორიის საგნებს; 1974 წლიდან იყო თბილისის III სამუსიკო სასწავლებლის პედაგოგი, 1975–1979წწ. ამავე სასწავლებლის თეორიული განყოფილების გამგე; 1981-1985წწ. რესპუბლიკის ხალხური შემოქმედების სახლის დირექტორი; 1985-1990წწ. თბილისის N15 მუსიკალური სკოლის დირექტორი; 1992-1996წწ. მოსკოვის მუსიკალური კოლეჯის დირექტორი; 1997-2004წწ. მ. ფანიაშვილის სახელობის ხელოვნების აკადემიის რექტორი; 2008-2011წწ. საქართველოს კულტურისა და სპორტის სამინისტროს მუსიკალური დეპარტამენტის კონსულტანტი. დაწერილი აქვს: სიმფონიური ნაწარმოებები – კონცერტები ფაგოტისა და სიმფონიური ორკესტრისათვის (1973, 1976), "ეპიტაფია" სიმფონიური ორკესტრისათვის (1977, მიუძღვნა ვ. გოძიაშვილს), სიმფონია (1980); ვოკალურ–სიმფონიური და საგუნდო ნაწარმოებები – ვოკალურ–სიმფონიური პოემა ბარიტონისა და სიმფონიური ორკესტრისათვის (1975), ორატორია სოლისტების, შერეული გუნდისა და სიმფონიური ორკესტრისათვის (1976), "სამი ფრესკა" ქალთა გუნდისათვის ა კაპელა (1977); კამერულ–ინსტრუმენტული ნაწარმოებები – "მუსიკალური ჩანახატები" ფორტეპიანოსათვის (1969), მინიატურები კამერული ორკესტრისათვის (1970), სიმებიანი კვარტეტი (1974), მუსიკა კამერული ორკესტრისათვის (1975), სონატები ფორტეპიანოსათვის (1975, 1976); კამერულ–ვოკალური ნაწარმოებები – 4 რომანსი ხმებისა და ფორტეპიანოსათვის (1966), "სიყვარულის ლირიკა" ვოკალური ციკლი სოპრანოსა და ინსტრუმენტული ანსამბლისათვის (1977); ინსტრუმენტული კონცერტი: საფორტეპიანო - "თბილისური" (1977), "იმერული" (2000), "ერისიონი" (2000), "მეგრული" (2001), "გურული" (2002), "ქართლ-კახური", "აჭარული"; საბავშვო კონცერტები: "ენკი-ბენკი" (2003). ე. ლონდარიძის ნაწარმოებები შესრულებულია: უნგრეთში, გერმანიაში, ავსტრიაში, აშშ და სხვ. მისი N4 სიმფონია აღიარებულია "წლის საუკეთესო მუისიკალურ ნაწარმოებად" (2010), სამავშვო მუსიკის განვითარებაში შეტალი წვლილისთვის დაჯილდოებულია თბილისის მერიის ოქროს მედლით (2010).

წყარო: Композиторы и музыковеды грузии. – тб., 1984. - გვ.242; ქართული მუსიკის ენციკლოპედიური ლექსიკონი. – თბ., 2015. – გვ. 288-289

• საბჭოთა კავშირის კომპოზიტორთა კავშირი, წევრი (1976-1991)
• საქართველოს კომპოზიტორთა კავშირი, გამგეობის წევრი (1996-2020)

• 2012 - საქართველოს ეროვნული პრემია