ვახტანგ ბალავაძე

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტის მშენებლობის, მართვისა და ეკონომიკის ფაკულტეტი 1999 წელს; საქართველოს ტექნიკური უნივერსიტეტის სამართალმცოდნეობის ფაკულტეტი 2001 წელს; საქართველოს ტექნიკური უნივერსიტეტი სპეციალობით მშენებლობის მენეჯმენტი 2002 წელს.

1998-2001წწ. შპს "ალ-ან-სი" იურისკონტროლი; 2001-2003წწ. "ადამიანის უფლებათა დაცვის საერთაშორისო ასოციაცია", ადვოკატი; 2003-2004წწ. საქართველოს პარლამენტის აპარატის უფროსის პირველი მოადგილე; 2004-2008წწ. საქართველოს მე-6 მოწვევის პარლამენტის წევრი, საარჩევნო ბლოკი: "ნაციონალური მოძრაობა-დემოკრატები", საარჩევნო ფორმა: პარტიული სიით; 2008-2012წწ. საქართველოს მე-7 მოწვევის პარლამენტის წევრი, საარჩევნო ბლოკი: "ერთიანი ნაციონალური მოძრაობა - გამარჯვებული საქართველოსთვის", საარჩევნო ფორმა: პარტიული სიით; ენერგეტიკისა და ბუნებრივი რესურსების მინისტრი (2012); 2012-2013წწ. საქართველოს პრეზიდენტის რწმუნებული-გუბერნატორი იმერეთში; 2014 წელს ქ. თბილისის, ნაძალადევის რაიონის გამგებელი; 2014-2020წწ. იყო საქართველოს ტექნიკური უნივერსიტეტის პროფესორი და მშენებლობის მენეჯმენტის საბაკალავრო პროგრამის ხელმძღვანელი; 2015 წელს დააფუძნა საინჟინრო-საკონსულტაციო კომპანია შპს "ფორსი", სადაც 2018 წლამდე ეკავა დირექტორის და ინჟინერ კონსულტანტის თანამდებობა და პარტნიორის სტატუსით დღემდე აქტიურად მონაწილეობს კომპანიის საქმიანობაში; 2016 წლიდან საპროექტო კვლევა-ძიებით კომპანია შპს "კავტრანსპროექტში" უკავია წამყვანი ინჟინერის თანამდებობა; 2018 წლიდან – "სანდიეგოს სახელმწიფო უნივერსიტეტ – საქართველოს" სამშენებლო ინჟინერიის საბაკალავრო პროგრამის ლექტორი; 2020 წლიდან არის ილიას სახელმწიფო უნივერსიტეტის ბიზნესის, ტექნოლოგიისა და განათლების ფაკულტეტის პროფესორი და ამავე ფაკულტეტის ხარისხის უზრუნველყოფის სამსახურის უფროსი; არაერთი სამეცნიერო პუბლიკაციის ავტორი; უმუშავია რამდენიმე მსხვილ საინჟინრო პროექტზე; არის არაერთი გაცვლითი აკადემიური და პრაქტიკული საერთაშორისო პროგრამის მონაწილე და კურსდამთავრებული. უმაღლესი საგანმანათლებლო პროგრამების აკრედიტაციის ექსპერტი, ტექნიკის მეცნიერებათა დოქტორი.

წყარო: საქართველოს პარლამენტის ვებ-გვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 81; ილიას სახელმწიფო უნივერსიტეტი : ბიზნესის, ტექნოლოგიის და განათლების ფაკულტეტი: faculty.iliauni.edu.ge

• საქართველოს ინჟინერ-კონსულტანტთა ასოციაცია, წევრი
• საქართველოს მე-6 მოწვევის პარლამენტი, წევრი (2004-2008)
• საქართველოს მე-6 მოწვევის პარლამენტის დარგობრივი ეკონომიკისა და ეკონომიკური პოლიტიკის კომიტეტი, წევრი (2005-2008)
• საქართველოს მე-6 მოწვევის პარლამენტის თავდაცვისა და უშიშროების კომიტეტი , წევრი (2004-2005)
• საქართველოს მე-6 მოწვევის პარლამენტის საფინანსო-საბიუჯეტო კომიტეტი, კომიტეტის თავმჯდომარის მოადგილე (2007-2008)
• საქართველოს მე-6 მოწვევის პარლამენტის საფინანსო-საბიუჯეტო კომიტეტი, წევრი (2006-2007)
• საქართველოს მე-6 მოწვევის პარლამენტის ფრაქცია "ნაციონალური მოძრაობა - დემოკრატები", ფრაქციის მდივანი (2004-2008)
• საქართველოს მე-7 მოწვევის პარლამენტი, წევრი (2008-2012)
• საქართველოს მე-7 მოწვევის პარლამენტის რეგიონული პოლიტიკის, თვითმმართველობისა და მაღალმთიანი რეგიონების კომიტეტი, კომიტეტის თავმჯდომარე (2010-2012)
• საქართველოს მე-7 მოწვევის პარლამენტის საპროცედურო საკითხთა და წესების კომიტეტი, წევრი (2008-2012)
• საქართველოს მე-7 მოწვევის პარლამენტის საფინანსო-საბიუჯეტო კომიტეტი, კომიტეტის თავმჯდომარის მოადგილე (2009-2012)
• საქართველოს მე-7 მოწვევის პარლამენტის საფინანსო-საბიუჯეტო კომიტეტი, წევრი (2008-2009)
• საქართველოს მე-7 მოწვევის პარლამენტის ფრაქცია "ერთიანი ნაციონალური მოძრაობა", წევრი (2008-2012)
• საქართველოს საინჟინრო აკადემია, წევრ-კორესპონდენტი

• ბრწყინვალების საპრეზიდენტო ორდენი