ომარ მინდორაშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1969 წელს(კლარნეტის კლასი), 1976 წელს(საკომპოზიციო).

1968–1974წწ. იყო ვ. აბაშიძის სახელობის თბილისის მუსიკისა და დრამის სახელმწიფო თეატრის ორკესტრის კონცერტმეისტერი; 1974 წლიდან თბილისის 31–ე საშუალო სკოლასთან არსებული სამუსიკო სტუდიის ხელმძღვანელი; 1979 წლიდან ასწავლიდა ბლოკ–ფლეიტას ვ. სარაჯიშვილის სახელობის თბილისის სახელმწიფო კონსერვატორიასთან არსებულ ექსპერიმენტალურ სკოლა–ათწლედში; დაწერილი აქვს: სიმფონიური ნაწარმოებები – სიმფონია (1980), კონცერტი ფაგოტისა და სიმფონიური ორკესტრისათვის (1981), პოემა (1982); კამერულ–ინსტრუმენტული ნაწარმოებები – კვინტეტი ხისჩასაბერი ინსტრუმენტებისათვის (1975), სონატა ფლეიტისა და ფორტეპიანოსათვის (1977), საფორტეპიანო პიესების ციკლი (1977), ნონეტი (1977), იუმორესკა ბლოკ–ფლეიტის ანსამბლისათვის (1979), პარაფრაზები ბლოკ–ფლეიტის ანსამბლისათვის (1980), სექსტეტი ფორტეპიანოსა და სასულე ინსტრუმენტებისათვის (1981); ნაწარმოებები მუსიკალური თეატრისათვის (1983); ვოკალური ციკლები, საბავშვო სიმღერები და ინსტრუმენტული პიესები. მონაწილეობდა სემინარ-კონცერტებში საქართველო, გერმანია, ესტონეთი, ლიტვა, რუსეთი, თურქეთი. აშშ-ს მენის შტატის საპატიო მოქალაქე (1990). საქართველოს კულტურის სამინისტროსა და კომპოზიტორთა კავშირის პრემიები: "საუკეთესო კამერული ნაწარმოები" (II პრემია, 2010), "საუკეთესო სოლო და საანსამბლო ინსტრუმენტული საბავშვო ნაწარმოებები" (II პრემია, 2010). 

წყარო: Композиторы и музыковеды грузии. – тб., 1984. - გვ. 276;  ქართული მუსიკის ენციკლოპედიური ლექსიკონი. – თბ., 2015. – გვ. 329

• საბჭოთა კავშირის კომპოზიტორთა კავშირი, წევრი (1982-19??)