მიხეილ დავითაშვილი

დაბადების ადგილი: ქ. ქუთაისი.

დაამთავრა თბილისის პედაგოგიური ინსტიტუტის რუსული ენისა და ლიტერატურის ფაკულტეტი 1953 წელს.

1938-1960წწ. მუშაობდა გაზეთ "ზარია ვოსტოკას" სოფლის მეურნეობის განყოფილების გამგედ; 1960-1985წწ. გაზეთ "სოფლის ცხოვრების" რედაქტორად; სამეცნიერო–პოპულარული ჟურნალის "საქართველოს სოფლის მეურნეობის" მთავარ რედაქტორად; მისი ინიციატივით თბილისში აშენდა "ჩაის სახლი"; მას ეკუთვნის მრავალი წიგნი სოფლის მეურნეობის თემაზე, მათ შორის: "საქართველოს გზებსა და სოფლებში", "რეპორტაჟი საქართველოდან", "ოქროს თაროები", "საქართველოს ცის ქვეშ", "ჩაი ჩვენი ქართული"; მისი წიგნები თარგმნილია რუსულ, უკრაინულ და სლოვაკურ ენებზე; მისი ერთ–ერთი წიგნის "კონსტანტინე ლესელიძის" მიხედვით გადაღებულია დოკუმენტური ტელეფილმი. მიღებული აქვს საკავშირო ჟურნალისტთა კავშირის პრემია (1967) წიგნისთვის "ჩაი ჩვენი ქართული", 1984 - საერთაშორისო ჟურნალისტთა ფედერაციის ი. ფუჩიკის სახელობის მედალი (1984). საზოგადო მოღვაწე, II მსოფლიო ომის მონაწილე.

წყარო: საქართველო: ენციკლოპედია: ტ.2. – თბ., 2012. – გვ.277

• ჟურნალისტთა საერთაშორისო ასოციაცია, წევრი
• საქართველოს ჟურნალისტთა კავშირის პრეზიდიუმი, წევრი

• 1965 - საქართველოს დამსახურებული ჟურნალისტი

• ჩაი ჩვენი, ქართული (ავტორი). - თბილისი, საქ. კპ ცკ-ს გამ-ბა, 1966. - 155გვ.
• ძვირფასი მცენარე (ავტორი). - თბილისი, სახელგამი, 1955. - 38გვ.
• გენერალი ლესელიძე : ნარკვევი (ავტორი). - თბილისი, სახელგამი, 1950. - 102გვ.