ნინო დავითაშვილი

დაბადების ადგილი: ქ. გორი.

სწავლობდა თბილისში და აქვე ჩააბარა გამოცდები მასწავლებლის უფლების მოსაპოვებლად.

თბილისში დაუახლოვდა ავჭალის აუდიტორიასთან არსებულ მუშა-ხელოსანთა თეატრის მეთაურებს, რომელთა ინიციატივით პირველად გამოვიდა ამ თეატრის სცენაზე. სხვადასხვა დროს მუშაობდა თბილისის (1903-1904, 1910-1913), ქუთაისის (1904-1910, 1914-1915), ბაქოს ქართულ (1913-1914) თეატრებში. თბილისის ქართული დრამატული დასის მეთაურმა აკ. წერეთელმა სადებიუტოდ მისცა ტურფას როლი თავის პიესაში "პატარა კახი", ხოლო 1920 წლიდან იყო შ. რუსთაველის თეატრის წამყვანი მსახიობი. შესრულებული აქვს 200-ზე მეტი როლი: სონია (ა. ჩეხოვის "ძია ვანო"), გაიანე (ა. სუმბათაშვილის "ღალატი"), ოფელია (უ. შექსპირის "ჰამლეტი"), ქეთევანი (დ. ერისთავის "სამშობლო"), ივდითი (კ. გუცკოვის "ურიელ აკოსტა"), ამალია (ფ. შილერის "ყაჩაღები"), პრასკოვია (ვ. დარასელის "კიკვიძე"), ეფემია (მ. მრევლიშვილის "ნიკოლოზ ბარათაშვილი"), ზეინაბი და მაიკო (ა. სუმბათაშვილის "ღალატი"), ხაზუა (ალ. ყაზბეგის "ხევისბერი გოჩა"), შუშანა (გ. სუნდუკიანის "პეპო"), ფატიმა (ი. მოსაშვილის "ჩაძირული ქვები") და სხვა.. გადაღებულია ფილმებში. მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.2. – თბ., 2012. – გვ.278; 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.108

• 1943 - საქართველოს სახალხო არტისტი
• 1931 - საქართვცელოს დამსახურებული არტისტი
• შრომის წითელი დროშის ორდენი
• საპატიო ნიშნის ორდენი