ანტონ განჯისკარელი

დაბადების ადგილი: ქ. თბილისი.

ყურადღება მიიქცია პოეტური ნიჭითა და პოლიტიკურ–მოქალაქეობრივი თემატიკით. ცნობილია თვითმპყრობლობის წინააღმდეგ დაწერილი მისი ლექსი "მაღლა ღმერთი შეგეწიოს, ძირს ხელმწიფე, მისი ტახტი!"; 1892-1916წწ. 25-ზე მეტი წიგნი აქვს გამოცემული, ამათში ყველაზე უფრო საინტერესოა: "უბის წიგნაკი", "დეკადენტი" და სხვადასხვა ლექსები, (1904 წ), "კინტოს გოდება და სხვა საოხუნჯო ლექსები ანტონ განჯისკარელისა", 1907). ქართული სალიტერატურო კრიტიკა დადებითად აფასებდა მის შემოქმედებას. იროდიონ ევდოშვილმა მას მიუძღვნა ლექსი "სახლების მხურავი". სახალხო პოეტი. ძველი თბილისის პოეზიის წარმომადგენელი. პროფესიით მეთუნუქე.

წყარო: საქართველო: ენციკლოპედია: ტ.I.–თბ., 1997.–გვ.169; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.129; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.79

• კინტოს გოდება და სხვა საოხუნჯო ლექსები ანტონ განჯისკარელისა (ავტორი). - თბილისი, ალ. შახბარათოვის გამოცემა N34, 1907. - 16გვ.