ტატიანა ზუბიაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1982 წელს.

1982 წლიდან არის თერაპიის სამეცნიერო-კვლევითი ინსტიტუტის (კარდიოლოგიისა, კლინიკური ფარმაკოლოგიის და გერიატრიის განყოფილებები) თანამშრომელი; 2000 წლიდან აკად ნ. ყიფშიძის სახელობის თერაპიის ეროვნული ცენტრის გერიატრია-გერონტოლოგიის განყოფილების ხელმძღვანელი; 1997-2000 წწ. თბილისის სამედიცინო ინსტიტუტ "თბილისი"-ს კლინიკური ფარმაკოლოგიის კათედრის პედაგოგი და საგნის ხელმძღვანელი; შრომის, ჯანმრთელობისა და სოციალური დაცვის სამინისტროს მთავარი გერონტოლოგი (15.06.2000); 2006 წლიდან გერიატრიის კათედრის სრული პროფესორი; 2001-2005 წწ. ი. ჯავახიშვილის სახ. სახელმწიფო უნივერსიტეტის თერაპიის კათედრის პროფესორი.
2010 წლიდან თბილისის ჰუმანიტარული უნივერსიტეტის თერაპიის კათედრის სრული პროფესორი. არის 75 სამეცნიერო შრომის ავტორი. ექიმი–კარდიოლოგი, მედიცინის მეცნიერებათა დოქტორი.

საკანდიდატო დისერტაციის თემა - "ბეტაადრენობლოკატორებისა და კალციუმის ანტაგონისტების კომბინირებული გამოყენება სტენოკარდიის სინდრომით მიმდინარე გულის იშემიური დაავადების დროს", დაიცვა 19888 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.112; სამედიცინო საინფორმაციო პორტალი: vidal.ge

• გერიატრიული საზოგადოება, წევრი
• გერონტოლოგიის საზოგადოება, წევრი