იური დავითაძე

დაბადების ადგილი: სოფელი გოგაძეები, შუახევის რაიონი.

დაამთავრა ბათუმის სახელმწიფო პედაგოგიური ინსტიტუტის ისტორია - ფილოლოგიის ფაკულტეტი, სპეციალობა - ქართული ენა, ლიტერატურა და ისტორია 1974 წელს.

1974-1979წწ. ეწეოდა პედაგოგიურ საქმიანობას: ხელვაჩაურის რაიონის თხილნარის საშუალო სკოლის ქართული ენის, ლიტერატურისა და ისტორიის მასწავლებელი; 1976 წელს აჭარის სახელმწიფო მუზეუმის მეცნიერ-თანამშრომელი (შეთავსებით); 1976-1979წწ. აჭარის სახელმწიფო მუზეუმის უფროსი მეცნიერ-თანამშრომელი (შეთავსებით); 1979-1982წწ. აჭარის სახელმწიფო მუზეუმის საბჭოთა პერიოდის განყოფილების გამგე; 1982-1985წწ. საქართველოს კომპარტიის აჭარის საოლქო კომიტეტის ლექტორი; 1985-1986წწ. საქართველოს კომპარტიის აჭარის საოლქო კომიტეტის პროპაგანდისა და აგიტაციის განყოფილების ინსტრუქტორი; 1986-1988წწ. საქართველოს კპ აჭარის საოლქო კომიტეტის ორგანიზაციულ-პარტიული მუშაობის განყოფილების ინსტრუქტორი; 1988-1989წწ. საქართველოს კპ აჭარის საოლქო კომიტეტის ორგანიზაციულ-პარტიული მუშაობის განყოფილების პასუხისმგებელი ორგანიზატორი; 1989-1991წწ. საქართველოს კპ აჭარის საოლქო კომიტეტის ინსპექტორი; 1991-1993წწ. ბათუმის საბაჟოს ინსპექტორი; 1993 წელს აჭარის ა/რ მინისტრთა საბჭოს ექსპერტთა ჯგუფის უფროსი; 1993-2003წწ. აჭარის ავტონომიური რესპუბლიკის შინაგან საქმეთა სამინისტროს შტაბის უფროსი; 2004 წელს საქართველოს მე-6 მოწვევის პარლამენტის წევრი, საარჩევნო ბლოკი: "დემოკრატიული აღორძინების კავშირი", საარჩევნო ფორმა: მაჟორიტარული,  მაჟორიტარი №82 შუახევის საარჩევნო ოლქიდან. დეპუტატის უფლებამოსილება შეუწყდა 2004 წლის 10 აგვისტოს გარდაცვალების გამო.

წყარო: საქართველოს პარლამენტი: parliament.ge: საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.144

• საქართველოს მე-6 მოწვევის პარლამენტი, წევრი (2003-2004)
• საქართველოს მე-6 მოწვევის პარლამენტის რეგიონული პოლიტიკის, თვითმმართველობისა და მაღალმთიანი რეგიონების კომიტეტი, წევრი (2004-2004)
• საქართველოს მე-6 მოწვევის პარლამენტის ფრაქცია "მაჟორიტარები", წევრი (2004-2004)