კარლო ჩუხრუკიძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1960 წელ(საფორტეპიანო), 1978 წელს(საკომპოზიციო).

1959–1963წწ. ასწავლიდა ფორტეპიანოს თბილისის IV და VI მუსიკალურ სკოლებში; 1963–1974წწ. იყო ქ. რუსთავის მუსიკალური სკოლის პედაგოგი და დირექტორი; 1965 წლიდან პედაგოგი, 1981 წლიდან ვ. სარაჯიშვილის სახელობის თბილისის სახელმწიფო კონსერვატორიის კამერული ანსამბლის კათედრის დოცენტი; 1960 წლიდან სოლისტი, 1974–1976წწ. საქართველოს სახელმწიფო ფილარმონიის კამერულ–სიმფონიური განყოფილების გამგე; 1976 წლიდან საქართველოს კომპოზიტორთა კავშირის თავმჯდომარის მოადგილე საორგანიზაციო საკითხებში; დაწერილი აქვს: ნაწარმოებები მუსიკალური თეატრისათვის – "მამლაყინწა" საბავშვო ოპერა(1972, ორ ნაწილად, ლიბრეტო ავტორის ვაჟა–ფშაველას მიხედვით); სიმფონიური ნაწარმოებები – კონცერტი ვიოლინოსა და ორკესტრისათვის(1973), კონცერტი ფორტეპიანოსა და სიმფონიური ორკესტრისათვის(1973); ვოკალურ–სიმფონიური ნაწარმოებები – რექვიემი შერეული გუნდისა და სიმფონიური ორკესტრისათვის(1976), "ჩემს სამშობლოს" ვოკალურ–სიმფონიური პოემა(1978); საგუნდო ნაწარმოებები – "სიმღერა რუსთავზე" სოლისტის, გუნდისა და ფორტეპიანოსათვის(1968), "სასიყვარულო" ვოკალურ–ინსტრუმენტული პოემა გუნდისა და ინსტრუმენტული ანსამბლისათვის(1978), "კოლხური მოტივები" ორატორია ქალთა გუნდისა და ინსტრუმენტული ანსამბლისათვის(1980); კამერულ–ინსტრუმენტული ნაწარმოებები – სონატები ფორტეპიანოსათვის(1964 N1, 1966 N2, 1981 N3), პრელუდია და ტოკატა ფორტეპიანოსათვის(1967), საფორტეპიანო ტრიო(1969), სამი პიესა ვიოლინოსა და ფორტეპიანოსათვის(1975), საბავშვო საფორტეპიანო პიესების ციკლი(1978), კამერული სიმფონიები(1978 И1, 1980 N2), სიმებიანი კვარტეტი(1984); კამერულ–ვოკალური ნაწარმოებები – ვოკალური ციკლები ხმისა და ფორტერპიანოსათვის(1962, 1975, 1976); სიმღერები.

წყარო: Композиторы и музыковеды грузии. – тб., 1984. - გვ. 429

• საბჭოთა კავშირის კომპოზიტორთა კავშირი, წევრი (1978-19??)