
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

დავით (რექტორი)

Legal name:	დავით მესხიშვილი
Other name:	დავით ალექსიშვილი ცუკია ფილოსოფოსი (Changed name)
Date of birth:	1745
Date of death:	1824 (at 79 years)
Burial location:	მთაწმინდის მამა დავითის ეკლესია, თბილისი (საფლავი ამჟამად დაკარგულია)
Category:	Calligrapher, Scientist, Educator, Philosopher

Biography

დაამთავრა თბილისის სემინარია დაახლოებით 1764-1765წწ.

70-იანი წლების ბოლოსა და 80-იანი წლების დასაწყისში იყო ერეკლე II–ის კარზე მდივან-მწიგნობარი და გაიოზ რექტორთან ერთად ხელმძღვანელობდა განათლების საქმეს; 1783 წელს გაიოზ რექტორის რუსეთში გამგზავრების შემდეგ იყო თელავის სემინარიაში ჯერ რექტორის მოვალეობის შემსრულებელი, 1790 წლიდან სემინარიის გაუქმებამდე (1801) კი მისი რექტორი; ეწეოდა ნაყოფიერ სამეცნიერო-პედაგოგიურ მოღვაწეობას; სემინარიაში ასწავლიდა გრამატიკას, თეორიულ ფიზიკას, ეთიკას, მაგრამ ოფიციალური სასწავლო გეგმები არ აკმაყოფილებდა და ფართოდ გაშალა საგანმანათლებლო მუშაობა - სემინარიაში დააარსა ლიტერატურული-შემოქმედებითი წრე; ავტორია მრავალი სახელმძღვანელოსი – "არითმეტიკა", "სწავლანი ოთხნაწილედნი", "ქართული წერის დედნები"; მეფე გიორგი XII–ის დავალებით დავით რექტორს შეუმოწმებია ნათლისმცემლის, კალოუბნის, სიონის, ქაშვეთის, მცხეთისა და ანჩისხატის სკოლები; მან შეადგინა ხელნაწერთა სია, რომელიც ცნობილია 1810 წლის კატალოგის სახელწოდებით; მასვე ეკუთვნის მეორე ბიბლიოგრაფიული ნაშრომი – "ძველთა ქართველთა მთარგმნელთათვის", სადაც თავმოყრილია ცნობები ძველი ქართველი მწერლებსა და მთარგმნელებზე; დავით რექტორი ეწეოდა ლექსიკოგრაფიულ მუშაობასაც; განსაკუთრებით მნიშვნელოვანია სულხან–საბა ორბელიანის ლექსიკონის კომენტარები (დაზუსტებულია ცალკეული სიტყვების მნიშვნელობა, ზოგჯერ კი დამატებულია ახალი სიტყვები თავისი განმარტებით); დავით რექტორის პოეტურ მემკვიდრეობაში შეიმჩნევა ფრანგ განმანათებელთა იდეების კვალი და ანტონ I-ის სქოლასტიკური სკოლის გავლენა; იყო დახვეწილი კალიგრაფი; მის მიერ გადაწერილ მრავალრიცხოვან ხელნაწერთაგან აღსანიშნავია ქართული სიტყვაკაზმული მწერლობის ორტომიანი ანთოლოგია (ხელნაწერი S-1511, 1512, კ. კეკელიძის სახელობის ხელნაწერთა ეროვნული ცენტრი).

წყარო: საქართველო: ენციკლოპედია: ტ.2. – თბ., 2012. – გვ.291; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ. 835

Bibliography

თხზულებანი (Author). - თბილისი, თბილ. უნ-ტის გამ-ბა, 1997. - 132გვ.