რევაზ თაყაიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1982 წელს.

1982–1984წწ. იყო ექიმთა დახელოვნების ინსტიტუტის პროქტოლოგიის კათედრის კლინიკური ოდრინატორი; 1984–1990წწ. თბილისის IV კლინიკური საავადმყოფოს პროქტოლოგიის განყოფილების ორდინატორი; 1992–1995წწ. თბილისის სახელმწიფო სამედიცინო უნივერსიტეტის პროქტოლოგიის კათედრის ასისტენტი; 1995–1996წწ. საქართველოს ჯანდაცვის სამინისტროს სამედიცინო ხარისხების რესპუბლიკური ინსპექციის უფროსის პირველი მოადგილე; 1996 წლიდან ხელმძღვანელობს სამედიცინო დაზღვევის სახელმწიფო კომპანიას. ავტორია 26 სამეცნიერო ნაშრომის საკანდიდატო დისერტაციის პრობლემებზე. ექიმი–ქირურგი, მედიცინის მეცნიერებათა კანდიდატი.

საკანდიდატო დისერტაციის თემა - "თანმხლები პროქტო–გინეკოლოგიური დაავადებების დიაგნოსტიკა და მკურნალობა", დაიცვა 1989 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.117; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.199

• 2001 - ღირსების ორდენი