
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

მანანა აბაზაძე

Date of birth:	23 July, 1947 (77 years)
Category:	Dancer, Choreographer, Entertainer

Biography

დაბადების ადგილი: ქ. კალინინგრადი.

დაამთავრა ვახტანგ ჭაბუკიანის სახელობის თბილისის ქორეოგრაფიული სასწავლებელი 1965 წელს; თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი ფრანგული ენის სპეციალობით 1971 წელს.

1963 წელს პროფესიული განათლების მქონე მოცეკვავე მიიწვიეს საქართველოს ხალხური ცეკვის სახელმწიფო აკადემიურ ანსამბლში, სადაც ნ. რამიშვილისა და ი. სუხიშვილის ხელმძღვანელობით საბოლოოდ დაიხვეწა მის საშემსრულებლო ოსტატობა; იგი განსაკუთრებით გამოირჩეოდა ცეკვებში: "ხევსურული სუიტა", "აჭარული", "ქაჯეთის ციხის აღება", "ხაბარდა" და სხვა. მის ცეკვას ახასიათებს დახვეწილი არტისტიზმი, სცენური მომხიბვლელობა და მაღალი პროფესიონალიზმი. აკადემიურ ანსამბლში მოღვაწეობის 25 წლის მანძილზე მან ტრიუმფით მოიარა მსოფლიოს მრავალი ქვეყანა. 1985 წლიდან აბაზაძე პედაგოგად მუშაობდა ქორეოგრაფიულ ანსამბლში "ნინო", პარალელურად იყო ქართული ცეკვის პედაგოგი თბილისის ი. სუხიშვილის სახ. ქართული ცეკვის სახელმწიფო სკოლა-სტუდიაში. შესრულებული აქვს სოლო პარტიები, გადაღებულია ფილმებში: "მე, ბებია, ილიკო და ილარიონი" (1962, მერი), "მაცი ხვიტია" (1966, ეკა), "უსახელო უფლისციხელი" (1968).

წყარო: საქართველო: ენციკლოპედია: ტ.I.–თბ., 1997.–გვ.10; 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.73; ეროვნული ფილმოგრაფია: geocinema.ge

Awards and Honors

1985 - საქართველოს სახალხო არტისტი
1981 - საქართველოს ხელოვნების დამსახურებული არტისტი