ივანე აბაშიძე

ქართლ–კახეთის სამეფოს პოლიტიკური და სამხედრო მოღვაწე  XVIII საუკუნის II ნახევარში, ქეშიკთუხუცესი, ბორჩალოს მოურავი(1769–1799). ერეკლე II–ის მეუღლის, ანა დედოფლის ძმა. როგორც კახეთის მკვიდრს, "კახთ აბაშიძეს" უწოდებდნენ. იყო ერეკლე II–ის პოლიტიკის ერთგული მიმდევარი. აქტიური მონაწილეობა მიიღო კრწანისის ბრძოლაში(1795). ამ ბრძოლაში მის გმირობაზე მიუთითებს ნ. ბარათაშვილი თავის პოემაში "ბედი ქართლისა".  

წყარო: საქართველო: ენციკლოპედია: ტ.I.–თბ., 1997.–გვ.22