მარიამ ვალიშვილი

დაბადების ადგილი: ქ. თბილისი.

დაამთავრა საქართველოს ტექნიკური უნივერსიტეტის კომპიუტერული სისტემები და ქსელები, ინჟინერ-სისტემოტექნიკოსის სპეციალობით, ბაკალავრის ხარისხით 1997 წელს; ამავე უნივერსიტეტის საინჟინრო მენეჯმენტი, მაგისტრის ხარისხით 2000 წელს.

1994-1998წწ. USAID, Burns & Roe Enterprise, Inc. ენერგეტიკული სექტორის ტექნიკური დახმარების პროგრამა, ოფისმენეჯერი, თარჯიმანი; 1998-1999წწ. შპს "გარემოსდაცვითი და საინჟინრო კონსულტანტები", პროექტების კოორდინატორი; 1999-2004წწ. სს "ეი-ი-ეს თელასი", ენერგოგასაღების დირექტორის თანაშემწე, დასავლეთ რეგიონის დირექტორის მოადგილე, პროექტის მენეჯერი, ჩრდილოეთ რეგიონის დირექტორი, შემოსავლების დაცვის მენეჯერი; 2004- 2006წწ. შპს "ენერგია", კონსულტანტი მარკეტინგის საკითხებში; 2006 წელს USAID Core International-ი, ენერგეტიკის სამინისტროს საკონსულტაციო დახმარების პროგრამა, ენერგეტიკული პოლიტიკის ანალიტიკოსი; 2006-2007წწ. ფონდი "ათასწლეულის გამოწვევა საქართველოს" ენერგეტიკული პროექტის კორდინატორი; 2007-2008წწ. შპს "საქართველოს ნავთობისა და გაზის კორპორაცია", კომერციული დირექტორი, დირექტორი საერთაშორისო საკითხებში; 2008 წელს შპს Kala Energy and Natural Resources, ენერგეტიკული ჯგუფის ხელმძღვანელი; 2008 წელს სს "საქჰიდრომშენი", გენერალური დირექტორი; 2008-2012წწ. ენერგეტიკისა და ბუნებრივი რესურსების მინისტრის პირველი მოადგილე; 2012-2017წწ. ენერგეტიკისა და ბუნებრივი რესურსების მინისტრის მოადგილე; 2017 წელს დაინიშნა "სოკარ ენერჯი ჯორჯიას" გენერალური დირექტორის მრჩევლად.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.124