ნიკოლოზ დანელია

დაბადების ადგილი: მარტვილის რაიონი, სოფელი ლეხაინდრავო.

დაამთავრა ამიერკავკასიის საინჟინრო–მელიორაციის ინსტიტუტი 1931 წელს.

1932-1938წწ. მუშაობდა მოსკოვში ჰიდროტექნიკურ და მელიორაციულ სამეცნიერო–კვლევით ინსტიტუტში უფროს მეცნიერ თანამშრომლად; 1938-1945წწ. ნოლირსკის სამთო მეტალურგიულ კომბინატში; 1942 წლიდან იყო ამ კომბინატის წყალმომარაგების პროექტის ავტორი და მთავარი ინჟინერი; 1945-1948წწ. ბულაჩაურის წყალსადენის სისტემის მშენებლობის მთავარი ინჟინერი; 1948-1961წწ. ხელმძღვანელობდა საქართველოს ჰიდროტექნიკურ და მელიორაციულ სამეცნიერო–კვლევით ინსტიტუტის ჰიდროტექნიკურ ლაბორატორიას; 1962-1976წწ. საქართველოს პოლიტექნიკური ინსტიტუტის ჰიდრავლიკურ და ჰიდროტექნიკურ ნაგებობათა კათედრის გამგე; 1976 წლიდან გარდაცვალებამდე ამავე ინსტიტუტის ჰიდრავლიკის და ჰიდროელექტროსადგურების მშენებლობის კათედრის გამგე; მისი შრომები უმთავრესად ეხება წყალმიმღებ ნაგებობათა მშენებლობის საკითხებს; მიღებული აქვს სახელმწიფო ჯილდოები; ჰიდროტექნიკოსი, ტექნიკურ მეცნიერებათა დოქტორი (1959), პროფესორი (1960).

წყარო: საქართველო: ენციკლოპედია: ტ.2. – თბ., 2012. – გვ.310

• 1971 - საქართველოს სახელმწიფო პრემია (სპეციალისტთა ჯგუფთან ერთად)
  საქართველოში სარწყავი სისტემების მშენებლობის ინდუსტრიალიზაციისათვის
• 1967 - საქართველოს მეცნიერებისა და ტექნიკის დამსახურებული მოღვაწე

• ჰიდრავლიკა : ზოგადი კურსი (ავტორი) // ნაწ. 1.. - განათლება, 1972. - 508 გვ.