გიორგი დარსაველიძე

დაბადების ადგილი: ქ. ხონი.

დაამთავრა თბილისის ა. პუშკინის სახელობის პედაგოგიური ინსტიტუტი, სპეციალობით ფიზიკა და  წარმოების საფუძვლები 1963 წელს.

1963-1964წწ. იყო თბილისის მე-60 საშუალო სკოლის მასწავლებელი; 1965-1968წწ. მეტალურგიის ინსტიტუტის ასპირანტი; 1968-1972წწ. საქართველოს მეცნიერებათა აკადემიის მეტალურგიის ინსტიტუტის უმცროსი მეცნიერ-თანამშრომელი; 1972-1989წწ. უფროსი მეცნიერ-თანამშრომელი; 1989-2005წწ. ნახევარგამტარი მასალების ლაბორატორიის გამგე; 2005-2006წწ. საქართველოს მეცნიერებათა აკადემიის ფ. თავაძის მეტალურგიისა და მასალათმცოდნეობის ინსტიტუტის დირექტორის მოადგილე სამეცნიერო დარგში; 2005-2008წწ. ამავე ინსტიტუტის მთავარი მეცნიერ-თანამშრომელი; 2008-2010წწ. ნახევარგამტარი მასალებისა და ფერადი ლითონების ლაბორატორიის გამგე; 2007-2010წწ. სოხუმის ილია ვეკუას ფიზიკა-ტექნიკის ინსტიტუტის მთავარი მეცნიერ-თანამშრომელი (შეთავსებით); 2010-2012წწ. ამავე ინსტიტუტის თერმოელექტრული ნახევარგამტარული მასალათმცოდნეობისა და ხელსაწყოთმშენებლობის ლაბორატორიის ხელმძღვანელი; 2001-2006წწ. საქართველოს ტექნიკური უნივერსიტეტის პროფესორი; 2006-2017წწ. სრული პროფესორი; 2012 წლიდან სოხუმის ილია ვეკუას ფიზიკა-ტექნიკის ინსტიტუტის,  ნახევარგამტარული მასალათმცოდნეობის ლაბორატორიის ხელმძღვანელი. გამოქვეყნებული აქვს 175 სამეცნიერო პუბლიკაცია. მისი კვლევის თემაა: სტრუქტურული დეფექტები და შინაგანი ხახუნი ბორსა და მის ფუძეზე არსებულ მასალებში. ფიზიკა-მათემატიკის მეცნიერებათა დოქტორი (1998), პროფესორი (2001).

წყარო: საქართველო: ენციკლოპედია: ტ.2. – თბ., 2012. – გვ.328; სოხუმის ილია ვეკუას ფიზიკა-ტექნიკის ინსტიტუტი: sipt.org.ge; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.20-21