გივი დგებუაძე

დაბადების ადგილი: ქ. თერჯოლა.

დაამთავრა მოსკოვის ფოლადის ინსტიტუტი 1954 წელს.

1954-1957წწ. მუშაობდა ზესტაფონის ფეროშენადნობთა ქარხანაში სხვადასხვა თანამდებობაზე; 1957 წლიდან ფ. თავაძის სახელობის მეტალურგიის ინსტიტუტში; 1973 წლიდან იყო ამავე ინსტიტუტის ელექტროთერმიის ლაბორატორიის გამგე; მისი ძირითადი სამეცნიერო ნაშრომები ეხება დახურული ელექტრული მადანაღმდგენი ღუმლების კონსტრუქციებს; 1980-1984წწ. მისი ხელმძღვანელობით შემუშავებული დახურული ღუმლის ახალი გეომეტრიული პარამეტრები დაინერგა ზესტაფონის ფეროშენადნობთა ქარხნის ყველა მძლავრ ელექტროღუმელში, აგრეთვე შეტანილ იქნა ინდოეთის ერთ–ერთი მეტალურგიული საწარმოს ორი ღუმლის პროექტი; მისი ხელმძღვანელობით და უშუალო მონაწილეობით დამუშავდა და წარმოებაში დაინერგა საწარმოო ნარჩენებისაგან ფოლადის ეფექტური განმჟანგველის(ფეროსილიკოალუმინი) მიღების ტექნოლოგია ალუმინთერმული პროცესით; ავტორია მრავალი სამეცნიერო ნაშრომისა და გამოგონების; მეტალურგი, ტექნიკურ მეცნიერებატა კანდიდატი (1968). ტექნიკის მეცნიერებათა კანდიდატი.

წყარო: საქართველო: ენციკლოპედია: ტ.2. – თბ., 2012. – გვ.343; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.61

• 1994 - საქართველოს სახელმწიფო პრემია, მეცნიერებისა და ტექნიკის დარგში
  1988-1993 წლებში შესრულებული ნაშრომისათვის -ალუმინთერმული მეთოდით საწარმოო ნარჩენებისაგან ფეროსილიკოალუმინის კომპლექსური შენადნობის მიღებისა და ფოლადის განჟანგვის პროცესში მისი გამოყენების ტექნოლოგიის დანერგვა"