ალექსანდრე ალექსიძე

დაბადების ადგილი: ქ. თბილისი.

1896-1924 წლებში იყო თბილისის ოპერისა და ბალეტის თეატრის მოცეკვავე; ცეკვავდა საოპერო დადგმების ქორეოგრაფიულ სცენებში: "რუსლანი და ლიუდმილა" (მ. გლინკა), "დემონი" (ა. რუბინშტეინი) და სხვა; ასრულებდა  როგორც ქართულ ისე კავკასიის ხალხთა ცეკვებს (ბუხარის ემირისაგან მიღებული ჰქონდა ჯილდო); მან დიდი წვლილი შეიტანა ქართული ხალხური ცეკვების პროპაგანდის საქმეში; ქართველ მოცეკვავეთა კვალიფიცირებული კადრის მომზადების მიზნით 1902 წელს თბილისში დააარსა ხალხური ცეკვების პირველი სტუდია, რომელსაც სათავეში ედგა 1934 წლამდე; მისი მოწაფეები იყვნენ ი. სუხიშვილი, მ. სულხანიშვილი, ა. ჩიხლაძე, რ. ჭოხონელიძე და სხვები; 1895 წელს პარიზში, რუსულ ეთნოგრაფიულ გამოფენაზე ქართული ცეკვების შესრულებისათვის ოქროს დიდი მედლით დააჯილდოვეს. ჟურნალში "თეატრი და ცხოვრება" გამოაქვეყნა სტატია ქორეოგრაფიის შესახებ: რა არის ცეკვა ან რა მნიშვნელობა აქვს / ა. გ. ალექსიძე // თეატრი და ცხოვრება.-თბილისი,1924.-14 დეკემბერი,№18/21.-გვ.10 
. ქართული ხალხური ქორეოგრაფიის ერთ-ერთი ფუძემდებელი.

წყარო: საქართველო: ენციკლოპედია: ტ.I.–თბ., 1997.–გვ.105; ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.7; მთაწმინდელი მოცეკვავე : (ალექსი ალექსიძე), 1874-1934 : მონოგრაფია / ლილი გვარამაძე.-თბ.,2017.-გვ.88; ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.7-9