ნელი ალექსიძე

დაბადების ადგილი: ქ. თბილისი.

 დაამთავრა თბილისის სამხატვრო აკადემია 1949 წელს.

სამხატვრო გამოფენებში მონაწილეობდა 1950 წლიდან. მუშაობდა დაზგური ქანდაკების დარგში. მისი მნიშვნელოვანი ნამუშევრებია: "ცეკვა ქართული" (1951, თაბაშირი), "მოცეკვავე ქალი დაირით" (1953, ფაიანსი), აკადემიკოს ნ. ყიფშიძის პორტრეტი (1952, მარმარილო, ყველა საქართველოს ხელოვნების სახელმწიფო მუზეუმი), "მედიცინის და" (1964, თაბაშირი), გენერალ-მაიორი ე. კობერიძის პორტრეტი (1965, მარმარილო, ორივე საქართველოს სახელმწიფო გალერეა), ი. გრიშაშვილის პორტრეტი (1966, ბრინჯაო, მთაწმინდის პანთეონი), ნ. ყიფშიძის პორტრეტი (1988, ბრინჯაო) და სხვ. 1973 წლიდან ეწეოდა პედაგოგიურ მოღვაწეობას თბილისის სამხატვრო აკადემიაში. პოეტ მარიჯანის (მარიამ ტყემალაძე -ალექსიძის) შვილი.

წყარო: საქართველო: ენციკლოპედია: ტ.I.–თბ., 1997.–გვ.107

• 1967 - საქართველოს დამსახურებული მხატვარი