რაჟდენ ალისუბნელი

სწავლობდა ქუთაისის გიმნაზიაში, შემდეგ ხარკოვის უნივერსიტეტში.

თანამშრომლობდა გაზეთებში "დროებასა" და "თეატრებში". დაბეჭდილი აქვს წერილების სერია "ხმა ქუთაისიდან"–ეკონომიკის, კულტურის და საზოგადოებრივი ცხოვრების მიმოხილვანი. "თეატრში" ბეჭდავდა კრიტიკულ წერილებს ("ჩვენ ლიტერატურაზედ", "ჩვენ პუბლიცისტთა მიმართ"). აქვეყნებდა პოეტურ და პროზაულ ნაწარმოებებსაც. მისი ლირიკა საზოგადოებრივ–პუბლიცისტური ხასიათისაა. თემებითა და მოტივებით ძალიან ჰგავს აკაკი წერეთლის ლიტერატურული სკოლის წარმომადგენელთა შემოქმედებას. ეწეოდა მთარგმნელობით მოღვაწეობას. თარგმნა ჯ. ბაირონის ("მოგონება", "ებრაული მელოდია"), ფ. შილერის ("სამშობლოს გმირნი",  "მეფანდურის ქალი"), მ. ლერმონტოვის ("სიმღერა გლადიატორთა") თხზულებები. მასვე ეკუთვნის გამოხმაურება ე. ბოსლეველის მკვლელობაზე.

წყარო: საქართველო: ენციკლოპედია: ტ.I.–თბ., 1997.–გვ.110