დავით თარხნიშვილი

დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1982 წელს.

მუშაობდა თბილისის სახელმწიფო უნივერსიტეტში, ატარებდა პოსტსადოქტორო კვლევებს ბანგორის უნივერსიტეტსა (დიდი ბრიტანეთი, 1996-1997) და ბონის ზოოლოგიის ინსტიტუტში (გერმანია, 1999-2003). მისი ძირითადი კვლევითი საკითხებია: ამფიბიების და ქვეწარმავლების ეკოლოგია, ბიოგეოგრაფია, პოპულაციური გენეტიკა და ევოლუცია. გამოქვეყნებული აქვს ასზე მეტი სამეცნიერო ნაშრომი. 2006 წლიდან მუშაობს ილიას სახელმწიფო უნივერსიტეტში; სხვადასხვა დროს იყო სიცოცხლის შემსწავლელ მეცნიერებათა ფაკულტეტის დეკანი და ეკოლოგიის ინსტიტუტის დირექტორი; 2015 წლიდან არის საბუნებისმეტყველო მეცნიერებათა და საინჟინრო ფაკულტეტის დეკანი.

საკანდიდატო დისერტაციის თემა - "ამფიბიების სახეობათაშორისი კონკურენცია", დაიცვა 1987 წელს (სვერდლოვსკის ეკოლოგიის კვლევითი ინსტიტუტი).

წყარო: ილიას სახელმწიფო უნივერსიტეტი: faculty.iliauni.edu.ge

• 2023 - საქართველოს მეცნიერებათა ეროვნული აკადემიის საპატიო სიგელი (იუნესკოს მიერ დაწესებულ მეცნიერების მსოფლიო დღესთან დაკავშირებით)
  ბიომრავალფეროვნების დარგში სამეცნიერო მიღწევებისთვის

• საქართველოს ბუნების ატლასი : მცენარეები და ცხოველები (თანაავტორი). - თბილისი, ბაკურ სულაკაურის გამ-ბა, 2013. - 152გვ. . - ISBN: 978-9941-15-859-9
• გენების კალეიდოსკოპი მთიან კუნძულზე : კავკასიის ცხოველთა სამყარო და მისი ისტორია (ავტორი). - თბილისი, ბუნება პრინტი, 2004. - 140გვ.. - ISBN: 99940-771-1-2