ზაალ კიკვიძე

დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1978 წელს.

1978-1998წწ. - საქართველოს მეცნიერებათა აკადემიის ფიზიოლოგიისა და შემდეგ ბოტანიკის ინსტიტუტი; საქართველოს პედაგოგთა კვალიფიკაციის ამაღლებისა და გადამზადების ინსტიტუტი; ეკოლოგიური განათლების კურსი გლაზგოს სტრათკლაიდის უნივერსიტეტის ჯორდანჰილის კოლეჯში (დიდი ბრიტანეთი); 1994-1998წწ. მონაწილეობდა საქართველოს სკოლებში ეკოლოგიური განათლებისა და სამოქალაქო აღზრდის დანერგვის პროექტებში; 1998-2007წწ. ატარებდა პოსტსადოქტორო კვლევებს ჩიბას უნივერსიტეტში (იაპონია) და არიდული ზონების ექსპერიმენტულ სადგურში (ალმერია, ესპანეთი); 2007-2012წწ. - ტოკიოს უნივერსიტეტის ასოცირებლი პროფესორი (იაპონია); მისი კვლევის ძირითადი მიმართულებებია: მცენარეთა ეკოლოგია, მათი სახეობრივი მრავალფეროვნება და გეოგრაფიული განაწილებები ეკოლოგიურ გრადიენტებზე, სახეობათა თანაცხოვრების წესები და ორგანიზმთა შორის ურთიერთქმედება, ეკოლოგიური განათლება, ეთნო-ეკოლოგია და სოციო-ეკოლოგია. როგორც მოწვეულ მკვლევარს ან პროფესორს, უმუშავია გერმანიის, იაპონიის, ამერიკის, დიდი ბრიტანეთის, შვეიცარიის, საფრანგეთის უნივერსიტეტებში, განხორციელებული აქვს საკვლევი პროექტები ჩილესა და მექსიკაში; Journal Of Vegetation Science-ის და Phytocoenology-ს მაკოორდინირებელი რედაქტორი; 2012 წლიდან ილიას სახელმწიფო უნივერსიტეტის ეკოლოგიის ინსტიტუტის პროფესორი; 2013 წლიდან ინტერდისციპლინური ბიოლოგიის უვადო პროფესორი. 2014 წლიდან არის 4D კვლევითი ინსტიტუტის თანადირექტორი. 2015 წლიდან იყო ეთნო-ბიოლოგიური და სოციო-ეკოლოგიური კვლევითი ინსტიტუტის დირექტორი. გამოქვეყნებული აქვს 100-ზე მეტი სამეცნიერო, პედაგოგიური და სამეცნიერო-პოპულარული შრომა. ბიოლოგიის მეცნიერებათა დოქტორი (1993).

საკანდიდატო დისერტაციის თემა - "ნატრიუმ-კალიუმ-ატეფაზის ფუნქციური რეგულაცია", დაიცვა 1983 წელს; სადოქტორო დისერტაციის თემა - "ბიოლოგიური სისტემების სტრუქტურული და ფუნქციური ოპტიმიზაცია", დაიცვა 1993 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.110;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.26-27

• ეკონომიკური ბოტანიკური საერთაშორისო საზოგადოება, წევრი (2015-)
• მცენარეულობის ეკოლოგიური საერთაშორისო საზოგადოებება, წევრი (1990-)

• ეკოლოგია: დიადი ალგორითმი : ნარკვევი (ავტორი). - თბილისი, სკოლა, 1998. - 96გვ.
• ოპტიმიზაციის ეკოლოგიური პრინციპი (ავტორი). - თბილისი, 1990. - 11გვ.