ალექსანდრე დევიძე

დაბადების ადგილი: სოფელი დიდი ჯიხაიში, სამტრედიის რაიონი.

დაამთავრა ქუთაისის რეალური სასწავლებელი 1906 წელს; ნოვოროსიის (ოდესა) უნივერსიტეტის ფიზიკა–მათემატიკის ფაკულტეტი 1910 წელს.

1917 წლიდან დაინიშნა სამტრედიის ახალგახსნილი გიმნაზიის დირექტორად; 1930-1940წწ. იყო საქართველოს სასოფლო–სამეურნეო ინსტიტუტის მათემატიკის  კათედრის გამგე, პარალელურად მუშაობდა თბილისის სახელმწიფო უნივერსიტეტში; იყო მათემატიკური განათლების ერთ–ერთი ორგანიზატორი; მან სხვებთან თანაავტორობით შექმნა მათემატიკის 20–მდე სახელმძღვანელო, რომლებიც 1923-1940წწ. ქართული სკოლებისათვის ძირითადი ლიტერატურა იყო მათემატიკაში.

წყარო: საქართველო: ენციკლოპედია: ტ.2. – თბ., 2012. – გვ.358

• ალგებრა : პროგრესიები, ლოგარითმები, რთული პროცენტები, შეერთებანი და ნიუტონის ბინომი. (თანაავტორი). - ტფილისი, სახელგამი, 1927. - 105გვ.
• სწორწიროვანი ტრიგონომეტრია : სკოლებში სახელმძღვანელოდ (თანაავტორი). - ტფილისი, სახელგამი, 1927. - 174გვ.
• მათემატიკური ამოცანები : მე-III ჯგუფისათვის (თანაავტორი). - ტფილისი, სახელგამი, 1927. - 127გვ.