ანდრია დეკანოზიშვილი

დაბადების ადგილი: სოფელი რუისი, გორის რაიონი.

დაამთავრა ნოვოროსიის (ოდესა) უნივერსიტეტის იურიდიული ფაკულტეტი 1879 წელს.

XIX საუკუნის 90–იან წლების ბოლოს იმყოფებოდა ევროპაში, პოლონეთსა და საფრანგეთში; იმავე წლებში დაბრუნდა საქართველოში, თანამშრომლობდა "ცნობის ფურცელსა"  და სხვა ქართულ გაზეთებთან; 1901 წლიდან დაუახლოვდა გაზეთ "ცნობის ფურცლის" ეროვნულ–რადიკალურ ჯგუფს; შემდგომში იგი აირჩიეს საქართველოს სოციალისტ–ფედერალისტთა პარტიის საინიციატივო ჯგუფის მთავარ კომიტეტში; ამ კომიტეტის ბაზაზე და მისი ძალისხმევით შეიქმნა პირველი ეროვნული მიმართულების პოლიტიკური ორგანიზაცია საქართველოში – სოციალისტ–ფედერალისტთა პარტია; იგი მონაწილეობას იღებდა პარტიის პროგრამის შემუშავებასა და მის საქმიანობაში; 1920 წელს იყო საზოგადოება "ჩემო–ს" წარმომადგენელი ჰააგაში; 1921 წლიდან იმყოფებოდა ემიგრაციაში; გამოქვეყვებული აქვს 5 ნოველა – "პეპელა"(1893), "დაღუპული" (1893), "სულერთია რომ ვეღარ გამობრუნდება" (1895), "ის კი მოდიოდა" (1896), "სხვისია, სხვისი!" (1897); ეს ნოველები ითარგმნა რუსულ ენაზე; საზოგადო მოღვაწე.

წყარო: საქართველო: ენციკლოპედია: ტ.2. – თბ., 2012. – გვ.360; საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.127 

• სოციალისტ–ფედერალისტთა პარტია, წევრი