გივი დეკანოიძე

დაბადების ადგილი: სოფელი მერჯევი, საჩხერის რაიონი.

დაამთავრა თბილისის სასოფლო–სამეურნეო ინსტიტუტის მეაბრეშუმეობის ფაკულტეტი 1949 წელს.

1952 წლიდან მუშაობდა თბილისის სასოფლო–სამეურნეო ინსტიტუტში სხვადასხვა თანამდებობაზე; 1979-1984წწ. იყო აგრონომიული ფაკულტეტის დეკანი და 1981-1984წწ. ენტომოლოგიის კათედრის გამგე; გამოიკვლია ვაზისა და თუთის კულტურების ენტომო და აკაროფაუნა; შეისწავლა უმთავრესი სახეობების ბიოეკოლოგია, დაადგინა საქართველოში გავცელებული ჭიჭინობელების ტაქსონომიური შედგენილობა; აღმოაჩინა და აღწერა ახალი სახეობა – ვაზის ჭიჭინობელა [Erythroneura imeretina (Dekanoidz)]; ენტოლოგიის საერთაშორისო კატალოგში შეტანილია ქერცლფრთიანთა ერთ–ერთი წარმომადგენელი, რომელიც მის გვარს ატარებს; მიღებული აქვს სახელმწიფო ჯილდოები; ენტომოლოგი, ბიოლოგიის მეცნიერებათა დოქტორი (1977), პროფესორი (1978).

წყარო: საქართველო: ენციკლოპედია: ტ.2. – თბ., 2012. – გვ.361

• სასოფლო-სამეურნეო კულტურების მავნე ტკიპები და მათ წინააღმდეგ ბრძოლის თანამედროვე ღონისძიებები. (ავტორი). - თბილისი, საბჭ. საქართველო, 1982. - 142გვ.
• თუთის ხის მავნებელ-დაავადებანი და მათთან ბრძოლა (ავტორი). - თბილისი, საბჭ. საქართველო, 1972. - 140გვ.
• ვაზის მავნებლები და მათთან ბრძოლა (ავტორი). - თბილისი, საბჭ. საქართველო, 1968. - 135გვ.