მანანა კიკნაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1970 წელს, მოსკოვის ალ. მიასნიკოვის სახელობის კარდიოლოგიის სამეცნიერო ინსტიტუტის ასპირანტურა 1976 წელს.

1970–1973წწ. იყო მცხეთის რაისაავადმყოფოს თერაპევტი; 1978–994წწ. თბილისის სახელმწიფო სამედიცინო ინსტიტუტის სუბორდინატორთა ჰოსპიტალური თერაპიის კათედრის ასისტენტი; 1995 წლიდან ამავე კათედრის პროფესორი. ავტორია 60 სამეცნიერო ნაშრომის, რომლებიც ეხება გულის უკმარისობისა და არტერიული ჰიპერტონიის დროს მეტაბოლურ და ჰორმონალურ ცვლილებებს. კარდიოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "თირკმელზედა ჯირკვალის მინერალოკორტიკოიდული ფუნქციის შესწავლა ჰიპერტონული დაავადებისა და ორალური კონტრაცეპტივების მიღების დროს", დაიცვა 1977 წელს.

სადოქტორო დისერტაციის თემა - "მეტაბოლური ცვლილებების პროგნოსტიკული და დიაგნოსტიკური მნიშვნელობა სხვადასხვა გენეზის გულის უკმარისობის დროს", დაიცვა 1991 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.154

• ნიუიორკის მეცნიერებატა აკადემია, წევრი, აკადემიკოსი