ჯემალ მდივანი

დაბადების ადგილი: ქ. ზესტაფონი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1973 წელს.

1972–2004წწ. იყო ზ. ფალიაშვილის სახელობის თბილისის ოპერისა და ბალეტის თეატრის წამყვანი სოლისტი; შესრულებული აქვს მთავარი პარტიები; გამოირჩეოდა ძლიერი, ლამაზი ტემბრის ხმით (ბარიტონი), არტისტული ტემპერამენტით. არის ამიერკავკასიის მუსიკოს-შემსრულებელთა კონკურსის I პრემიის (1972) და ფ. ვენიასის სახელობის საერთაშორისო კონკურსის II პრემიის (1977, ბარსელონა) მფლობელი.

წყარო: მუსიკის ენციკლოპედიური ლექსიკონი. – თბ., 2007. – გვ. 167; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.323; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 642

• 1999 - ღირსების ორდენი
  ქართული საოპერო ხელოვნების განვითარებასა და მის პოპულარიზაციაში შეტანილი პირადი დიდი წვლილისათვის, ნაყოფიერი შემოქმედებითი და ორგანიზაციული მოღვაწეობისათვის
• 1985 - საქართველოს სახალხო არტისტი
• 1983 - საქართველოს დამსახურებული არტისტი
• 1972 - ზაქარია ფალიაშვილის სახელობის პრემია