ვანო მურადელი

დაბადების ადგილი: ქ. გორი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1931 წლს.

1934–1938წწ. ის სწავლობდა მოსკოვის კონსერვატორიაში; ჯერ კიდევ სტუდენტობის პერიოდში გამოვიდა სამოღვაწეო ასპარეზზე; 1929–1932 მუშაობდა სამუსიკო ნაწილის გამგედ თბილისის მუშა-ახალგაზრდობის თეატრში; მუსიკალურად გააფორმა კ. მარჯანიშვილის მიერ დადგმული სპექტაკლი "მზის დაბნელება საქართველოში"; 1932–1934 მუშაობდა საესტრადო განხრით ვ. გოძიაშვილთან ერთად; 1934 გადავიდა მოსკოვში; 1939–1948წწ. იყო სსრკ მუსიკალური ფონდის თავმჯდომარე; 1942–1944 იყო სსრ კავშირის სამხედრო–საზღვაო ფლოტის ცენტრალური ანსამბლის ხელმძღვანელი; მისი ნაწარმოებებია: "ოთხი ქართული სიმღერა"(1935); "ქართული სიმფონიური საცეკვაო"(1936); "ექვსი რომანსი" პუშკინის ლექსებზე"(1937); ოპერები – "დიადი მეგობრობა"(1947), "ოქტომბერი"(1961); ოპერეტები – "ცისფერთვალა ქალიშვილი"(1965), "მოსკოვი–პარიზი–მოსკოვი"(1967); "ქართული საცეკვაო" – ქსილოფონისა და ფორტეპიანოსათვის(ახალი რედაქცია 1968); "ექვსი საფორტეპიანო პიესა"(1969); 2 სიმფონია, კანტატები, გუნდები, მასიური სიმღერები(300–ზე მეტი, მათ შორის "ჩემო გორო" და "გორის მოსწავლეთა სიმღერა" ორივე 1960 წელს); მუსიკა სპექტაკლებისა და კინოფილმებისათვის; საზოგადო მოღვაწე.

წყარო: მუსიკის ენციკლოპედიური ლექსიკონი. – თბ., 2007. – გვ. 184

• კომპოზიტორთა კავშირის მოსკოვის ორგანიზაცია, თავმჯდომარე (1959-1970)
• რუსეთის კომპოზიტორთა კავშირის გამგეობა , მდივანი (1960-1970)
• საბჭოთა კავშირის კომპოზიტორთა კავშირის გამგეობა, მდივანი (1968-1970)

• 1968 - სსრკ სახალხო არტისტი
• 1968 - საქართველოს სახალხო არტისტი
• ლენინის წითელი დროშის ორდენი