გიორგი ონიანი

დაბადების ადგილი: დაბა ლენტეხი, ლენტეხის რაიონი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია.

1998–2001წწ. იყო ზ. ფალიაშვილის სახელობის თბილისის ოპერისა და ბალეტის თეატრის სოლისტი; შეასრულა მთავარი პარტიები ვერდის, პუჩინის, ზ. ფალიაშვილის ოპერებში; 2001 წლიდან იყო მიუნხენის მუსიკისა და თეატრის უმაღლესი სასწავლებლის ასპირანტი; 2001–2003წწ. გაიარა სტაჟირება "ლა–სკალას" თეატრში, აქვე შედგა მისი საზღვარგარეთული დებიუტი; 2001 წლიდან ასერულებს მთავარ პარტიებს მსოფლიოს მრავალი ქვეყნის საოპერო თეატრის სცენაზე; 2005 წლიდან ის კვლავ ზ. ფალიაშვილის სახელობის თბილისის ოპერისა და ბალეტის თეატრის სოლისტია; მართავს გასტროლებს უცხოეთის ქვეყნებში(ბრაზილია, იტალია, მექსიკა, საფრანგეთი, უნგრეთი, იაპონია); ასრულებს ტენორის მთავარ პარტიებს ვერდის("ტრავიატა", "აიდა", "დონ–კარლოსი", "ბალ–მასკარადი", "ტრუბადური", "რიგოლეტო"), პუჩინის("ტოსკა", "ჩიო–ჩიო–სანი", "ბოჰემა"), ბიზეს("კარმენი"), ზ. ფალიაშვილის("აბესალომ და ეთერი", "დაისი") ოპერებში; ფლობს ლამაზი ტემბრის ძლიერ ხმას(ტენორი).

წყარო: მუსიკის ენციკლოპედიური ლექსიკონი. – თბ., 2007. – გვ. 200

• 2005 - ბიულ–ბიულის სახელობის საერთაშორისო კონკურსი(ბაქო), I პრემია
• 2004 - ტენორების საერთაშორისო კონკურსი(რუმინეთი) "ტრაიან გროცავესკუ", I პრემია
• 2002 - საერთაშორისო კონკურსი "რივა დელ გარდა"(იტალია), I პრემია