ნელი კოპაძე

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1949 წელს.

1949–1950წწ. მუშაობდა ტყიბულის სამედიცინო–სანიტარულ ნაწილში; 1951–1953წწ. თბილისის IV საავადმყოფოს პოლიკლინიკურ გაერთიანებაში; 1953–1968წწ. ქალაქის II კლინიკური საავადმყოფოს პოლიკლინიკურ გაერთიანებაში. 1968 წლიდან იყო თერაპიის სამეცნიერო–კვლევითი ინსტიტუტის მეცნიერ–თანამშრომელი; 1973 წლიდან მუშაობდა თერაპიის ინსტიტუტის საკონსულტაციო პოლიკლინიკაში. არის 2 მეთოდური და 30 სამეცნიერო ნაშრომის ავტორი, რომლებიც ეხება ნეიროცირკულატორულ ჰიპოტონიებსა და გულის იშემიურ დაავადებებს. მედდების კვალიფიკაციის სასწავლებელში ელექტროკარდიოგრაფიის ციკლი მიჰყავდა; 1965–1985წწ. თსუ–ში მუშაობდა პედაგოგად. მედიცინის მეცნიერებათა კანდიდატი, უმაღლესი კატეგორიის თერაპევტი, კარდიოლოგი.

დისერტაციის თემა –"გულის კუნთის და თავის ტვინის სისხლის მიმოქცევის ფუნქციური მდგომარეობის ზოგიერთი საკითხები არტერიული ჰოპოტონიების დროს".

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.161

• საქართველოს თერაპევტთა და კარდიოლოგთა საზოგადოება, წევრი

• შრომის ვეტერანის მედალი