რევაზ კორინთელი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1976 წელს.

1976-1977წწ. - ინტერნატურა ფსიქიატრიაში ქ. თბილისის რესპუბლიკურ ფსიქიატრიულ საავადმყოფოში; 1978-1982წწ. - აჭარის რესპუბლიკური ფსიქონევროლოგიური საავადმყოფო, ექიმი-ფსიქიატრი და საქართველოს საზღვაო სანაოსნოში – გემის ექიმი; 1982-2001წწ. - მ. ასათიანის სახელობის ფსიქიატრიის ს/კ ინსტიტუტი - უმცროსი, უფროსი მეცნიერ-მუშაკი ნევროზების განყოფილებაში; 1986 წელს - მივლინებული იყო მოსკოვში ექიმთა დახელოვნების ინსტიტუტის ფსიქოთერაპიისა და სამედიცინო ფსიქოლოგიის კათედრაზე, ფსიქოთერაპიის კურსის გასავლელად; 1993, 1995-1996წწ. - სწავლობდა იუნგის ფსიქოანალიზს ქ. ციურიხში, კ.გ. იუნგის ინსტიტუტში; 2002 წელს - სტაჟირება  ქ. პარიზში ფსიქოანალიტიკური ფორმაციისა და ფროიდისეული კვლევის ასოციაციაში – ანალიტიკური სივრცე –Association de Formation Psychoanalytique et de Recherches Freudiennes L’Espace Analytic, სადაც ეზიარა ფსიქოანალიზის ფრანგულ სკოლას; 2001 წლიდან - ილიას სახელმწიფო უნივერსიტეტის სრული პროფესორი. არის ავტორი სამეცნიერო ნაშრომებისა,  რომლებიც ეხება ნევროზების დიაგნოსტიკას, პროფილაქტიკასა და მკურნალობას, ფსიქოთერაპიას. ექიმი-ფსიქიატრი, მედიცინის მეცნიერებათა დოქტორი (1999), პროფესორი.

საკანდიდატო დისერტაციის თემა - "დეპრესიულ მდგომარეობათა ჯგუფური ფსიქოთერაპია ნევროზების კლინიკაში", დაიცვა 1990 წელს; სადოქტორო დისერტაციის თემა - "სინთეზურ-ჰერმენევტიკული დინამიკური ჯგუფური ფსიქოთერაპია მოსაზღვრე მდგომარეობათა კლინიკაში სტაციონარის და ამბულატორიის პირობებში", დაიცვა 1999 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.162; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.342; ილიას სახელმწიფო უნივერსიტეტი: iliauni.edu.ge

• ამერიკის ჯგუფური ფსიქოთერაპია, ნამდვილი წევრი (2005-)
• საერთაშორისო ანალიტიკური ფსიქოლოგიისა და საერთაშორისო ჯგუფური ფსიქოთერაპიის ასოციაცია, ნამდვილი წევრია
• სამხედრო–სამედიცინო აკადემია, წევრ–კორესპონდენტი
• საქართველოს ანალიტიკური ფიქოლოგიისა და საქართველოს ჯგუფური ფსიქოთერაპიის ასოციაცია, პრეზიდენტი (2002-)
• საქართველოს ფსიქიატრთა საზოგადოება, წევრი
• საქართველოს ფსიქიკური ჯანმრთელობის ასოციაცია, წევრი
• საქართველოს ფსიქოთერაპევტთა და კლინიკურ ფსიქოლოგთა ასოციაცია, თანაპრეზიდენტი (1992-)
• წამების მსხვერპლთა ფსიქო-რეაბილიტაციის გამგეობა, წევრი (1993-)