ლიანა მალვენიშვილი

დაბადების ადგილი: სოფელი აწყური, ახმეტის რაიონი.

დაამთავრა თბილისის სახელმწიფო სამედიცინო ინსტიტუტის სანიტარულ–ჰიგიენური ფაკულტეტი 1967 წელს.

1967–1969წწ. იყო რესპუბლიკის სეს ექიმი–ეპიდემიოლოგი; 1969 წელს სანიტარიისა და ჰიგიენის სამეცნიერო–კვლევითი ინსტიტუტის უმცროსი მეცნიერ–თანამშრომელი; 1976–1983წწ. სამედიცინო პარაზიტოლოგიისა და ტროპიკული მედიცინის სამეცნიერო–კვლევითი ინსტიტუტის უმცროსი მეცნიერ–თანამშრომელი; 1983 წელს თბილისის სახელმწიფო სამედიცინო ინსტიტუტის ეპიდემიოლოგიის კათედრის თანამშრომელი; 1995 წლიდან ამავე კათედრის უფროსი მასწავლებელი. ავტორია 33 სამეცნიერო ნაშრომისა, რომლებიც ეხება თანამედროვე ეპიდემიოლოგიის აქტუალურ საკითხებს. ეპიდემიოლოგი, მედიცინის მეცნიერებათა კანდიდატი.

საკანდიდატო დისერტაციის თემა – "საავადმყოფოს შიდა სალმონელოზის ეპიდემიოლოგიური თავისებურება ქალაქ თბილისის ბავშვთა სომატურ სტაციონარებში", დაიცვა 1983 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.180