მამუკა მაკარიძე

დაბადების ადგილი: ქ. თბილისი.

დაამთავრა ქ. ლენინგრადის პირველი სამედიცინო ინსტიტუტის სამკურნალო ფაკულტეტი 1972 წელს.

1972 – 1975წწ. - საქართველოს შ.ს.ს. ექიმი; 1975–1979წწ. - კლინიკური და ექსპერიმენტული ნევროლოგიის ინსტიტუტის ექიმი-ეპილეფტოლოგი; 1987–1992წწ. - ამავე ინსტიტუტის უმცროსი, 1987–1992წწ. - უფროსი მეცნიერ–თანამშრომელი; 1996 წლიდანი - ფანასკერტელის სახელობის სამედიცინო ინსტიტუტის ნერვულ სნეულებათა კათედრის გამგე, 1997 წლიდან - ენდოკრინოლოგია-მეტაბოლოგია-დიაბრტოლოგიის კლინიკის ნეიროენდოკრინულ-ვეგეტოლოგიური და ფსიქოსომატური მედიცინის განყოფილების ხელმძღვანელი. 98 სამეცნიერო ნაშრომისა და 2 მონოგრაფიის ავტორი. კვლევის თემა: ვეგეტოლოგიის კლინიკური, ნეიროფიზიოლოგიური საკითხები, პოსტტრამვული სტრესული დარღევების ასპექტები, ნეიროენდოკრინოლოგიის პრობლემები. გამოქვეყნებული აქვს ორი მონოგრაფია (პროფ. ს.ა. გრომოვთან, ექიმ ვ.ს. ინოზემცევასთან ერთად), "ცერებრული ვეგეტატიური პაროქსიზმები: ნეიროფიზიოლოგიური დასაბუთება, კლინიკა, დიაგნოსტიკა, მკურნალობა", (მორდვეთის უნივერსიტეტის გამომცემლობა, ქ. სარანსკი, 1992), "ვეგეტატიური შეტევები: კლინიკა, პათოგენეზი, მკურნალობა" ("მედეა", თბილისი, 1995). წლების განმავლობაში ნევროლოგიის ინსტიტუტში ხელმძღვანელობდა ვეგეტატიური ნერვული სისტემის პათოლოგიის სამსახურს. არის ფუნქციური ნევროლოგიის სამკურნალო–პროფილაქტიკური დაწესებულებების შემქმნელი, აკად. ვ. ივერიელთან ერთად ნეიროვეგეტოიმუნოენდოკრინოლოგიის–ახალი მეცნიერების საფუძვლების ჩამყრელი. ნევროლოგი, მედიცინის მეცნიერებათა დოქტორი, ჯანდაცვის სამინისტროს ფუნქციური ნევროლოგიის რესპუბლიკური ცენტრის დირექტორი, ენდოკრინოლოგია–მეტაბოლოგია–დიაბეტოლოგიის კლინიკის განყოფილების ხელმძღვანელი, ფანასკერტელის სახელობის სამედიცინო ინსტიტუტის ნერვულ სნეულებათა კათედრის გამგე, პროფესორი.

საკანდიდატო დისერტაციის თემა - "დიენცეფალური (ჰიპოთალამური) პაროქსიზმების ზოგიერთ ფორმათა გენეზისის კლინიკო-ექსპერიმენტული გამოკვლევა", დაიცვა 1986 წელს; სადოქტორო დისერტაციის თემა - "ვეგეტატიური შეტევები", დაიცვა 1997 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.179; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.347; enmedic.ge

• საქართველოს ნევროპათოლოგთა საზოგადოება, წევრი
• საქართველოს ფსიქიატრთა საზოგადოება, წევრი

• ვეგეტატური შეტევები : (კლინიკა, პათოგენეზი, მკურნალობა) (ავტორი). - თბილისი, მედეა, 1995. - 224გვ.