ლუიზა მარსაგიშვილი

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1965 წელს.

1965–1975წწ. იყო ექიმთა დახელოვნების ინსტიტუტის უმცროსი მეცნიერ–მუშაკი; 1975–1980წწ. თერაპიის სამეცნიერო–კვლევითი ინსტიტუტის ფუნქციური მეთოდების განყოფილების; 1980–1990წწ. ამავე ინსტიტუტის ინფარქტის განყოფილების უფროსი მეცნიერ–თანამშრომელი, 1990–1996წწ. ლაზეროთერაპიის განყოფილების ხელმძღვანელი. 1996–1998წწ. მუშაობდა ულტრაბგერითი გამოკვლევების და ლაზეროთერაპიის რესპუბლიკურ ცენტრში. 1998 წლიდან ლაზერული მედიცინის სსპ ცენტრის დირექტორი. 1999 წლიდან საქართველოს სახელმწიფო სამედიცინო აკადემიის ლაზერული მედიცინის კათედრის გამგე; 2006 წლიდან ხელმძღვანელობს "ჯანმრთელობის ცენტრის" ლაზერული მედიცინის მიმართულებას. ავტორია 120 სამეცნიერო ნაშრომისა, რომლებიც ეხება ანესთეზიოლოგიის, კარდიოლოგიისა და ლაზეროთერაპიის პრობლემებს. მედიცინის მეცნიერებათა დოქტორი. ინვ. დეპ. ლაზერული მედიცინის სსპ ცენტრის დირექტორი.  

საკანდიდატო დისერტაციის თემა - "ფილტვის პარციალური ვენტილაცია სასუნთქი გზების ოპერაციის დროს", დაიცვა 1975 წელს.

სადოქტორო დისერტაციის თემა - "ჰელიუმ–ნეონური ლაზერის გამოყენება გულის იშემიური დაავადებების დროს", დაიცვა 1990 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.187;  საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.549

• 2002 - ღირსების ორდენი
• 1989 - სსრკ სახელმწიფო პრემია

• Лазермодифицированная анестезиология : Информационно-методический сборник (ავტორი). - Тбилиси, 2011. - 88с.
• Лечение ишемической болезни сердца гелий-неоновым лазером (თანაავტორი). - Тбилиси, Амирани, 1993. - 183с.