ერეკლე ჯაბადარი

დაბადების ადგილი: ქ. თბილისი.

1902 წლიდან სწავლობდა ბრიუსელის კონსერვატორიაში, ხოლო სამი წლის შემდეგ ვენის კონსერვატორიაში.

ვენაში იღრმავებდა თეორიულ ცოდნას და სრულჰყოფდა საშემსრულებლო ხელოვნებას; საბოლოოდ იგი დამკვიდრდა საფრანგეთში; 1907 წელს ლოზანაში (შვეიცარია) გამოიცა მისი რომანსების პირველი კრებული "სიჭაბუკე" (ქართული პოეტური ტექსტებით); მისი ვოკალური ციკლიდან აღსანიშნავია "სულო ბოროტო", "მერანი", "ქართული ლეგენდა", "თბილისური", "რიჰარდ ჰოიბერგერის ხსოვნას", "რანინა-რანუნი", "განცდილი წუთები"; აღიარება მოიპოვა "ქართულმა რაფსოდიამ" ფორტეპინოსა და ორკესტრისათვის (1913), რომელიც ამ ჟანრის პირველი ნიმუშია ქართულ მუსიკაში, შესრულდა იმავე წელს ვენაში (1921, ალ. ყაზბეგის მოთხრობა "ელეონორას" მიხედვით); საფორტეპიანო და სავიოლონჩელო კონცერტები, ვარიაციები ვიოლონჩელოსათვის, სიმფონიური სურათები "გველის პერანგი" და "ინდაურები", მონოლოგი ტენორისა და ორკესტრისათვის "სულო ბოროტო" (ნ. ბარათაშვილის ლექსზე); მასვე ეკუთვნის 3 მოქმედებიანი ოპერა "გულნარა" (ალ. ყაზბეგის მიხედვით); ოპერის ლიბრეტო დაწერა თავად კომპოზიტორმა და მისმა მეუღლემ, უნგრელმა მანდილოსანმა მარგარიტ ბარვზმამ; მასვე ეკუთვნის უნგრულ თემაზე დაუმთავრებელი ოპერა "ბაბე"; მისი ნაწარმოებები საქართველოში ცნობილი გახდა XX საუკუნის 40–იანი წლების ბოლოს. გარდაიცვალა ქ. ნიცაში (საფრანგეთი),  გარდაცვალებიდან 30 წლის შემდეგ იგი გადმოასვენეს და დაკრძალეს მწერალთა და საზოგადო მოღვეწეთა დიდუბის პანთეონში. ქართველი საზოგადო მოღვაწის, რედაქტორ-გამომცემელის ალექსანდრე ჯაბადარის შვილი.

წყარო: მუსიკის ენციკლოპედიური ლექსიკონი. – თბ., 2007. – გვ. 336; მამულიშვილთა სავანე. - თბ., 1994. - გვ.420; კომპოზიტორი ერეკლე ჯაბადარი / ამირან ცამციშვილი // საბჭოთა ხელოვნება. - თბილისი, 1963. - N8. - გვ.49-57; ვინ აღიარა ერეკლე ჯაბადარი ვირტუოზ შემსრულებლად და როგორ გააცნო მან ქართველ კომპოზიტორთა სკოლა ევროპას / ქეთი მოდებაძე // თბილისელები.-თბილისი,2008.-N31