ჯემალ ადამაშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1972 წელს(საკომპოზიციო).

1960 წელს დაამთავრა თბილისის IV სამუსიკო სასწავლებელი პედაგოგ ვ. ბარამიძესთან(კლარნეტის კლასი) და ა. შავერზაშვილთან(საკომპოზიციო); 1959–1964წწ. საქართველოს სიმღერისა და ცეკვის ანსამბლის(შემდგომში "ერისიონი") პირველი მესალამურე იყო; 1964 წლიდან თბილისის სხვადასხვა საჯარო სკოლაში მუსიკა–სიმღერის მასწავლებელი და გუნდის ხელმძღვანელი იყო; 1967–2000წწ. ბავშვთა ფოლკლორული ანსამბლის "ნატვრის თვალი", ჩოხოსანთა ფოლკლორული ანსამბლის "შავლეგო" ხელმძღვანელი იყო; "სიონის ტაძრის" მგალობელთა(17 წლის მანძილზე), "ქაშუეთის ტაძრის" რეგენტი; საქართველოს ტელევიზიაში "პირველ სტერეოზე" მიჰყავდა გადაცემა "ქართული გალობა"; მის სიმღერებს ასრულბდნენ: ანსამბლები – "ნატვრის თვალი", "მზიური", "ბასტი ბუბუ", "მერცხალი"; მისი მოწაფეები იყვნენ: რ. რცხილაძე, ნ. თუშიშვილი; დაწერილი აქვს: საფორტეპიანო კვინტეტი(1966), ვოკალური ციკლი ვაჟა–ფშაველას ლექსებზე(1968), კონცერტი საყვირისათვის(1970, პირველი შესრულება ბათუმში, 1977), სიმებიანი კვარტეტი(1986), სიმღერები, მათ შორის: "გამარჯობა, მამულო", "საოქტომბრო"; საბავშვო სიმღერების კრებული(4); მუსიკა თოჯინების თეატრისა(17) და დრამატული სპექტაკლებისათვის, მათ შორის: "რომელია მართალი?"(1970, ცხინვალი), "ტყუპები"(1978); მხატვრული კინოფილმებისათვის: "ნათელა"(განახლებული მუნჯი ფილმი 1978), "ნამდვილი კავკასიელე"(განახლებული მუნჯი ფილმი 1981), "ელისო"(განახლებული მუნჯი ფილმი 1984); დოკუმენტური ფილმი: "სვანეთის საგანძურები"(1991); გასტროლებით იმოგზაურა ანსამბლ "ნატვრის თვალთან" ერთად(სსრკ, პოლონეთი, გერმანია, ფინეთი, ბულგარეთი, რუმინეთი, ინდოეთი, იუგოსლავია, იტალია, საფრანგეთი).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 11

• საქართველოს კომპოზიტორთა კავშირი, ნამდვილი წევრი
• ფაზისის მეცნიერებათა აკადემია

• 2003 - ღირსების ორდენი
• 2000 - გიორგი ლეონიძის სახელობის პრემია