
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

დავით პარკაძე

Date of birth:	1882
Date of death:	1951 (at 69 years)
Category:	Mathematician, Educator

Biography

დაბადების ადგილი: სოფელი ქვემოჭალა, გორის მაზრა.

დაამთავრა თბილისის ქართული გიმნაზია 1904 წელს; ოდესის უნივერსიტეტი 1910 წელს.

1905 წელს ჩაირიცხა ოდესის უნივერსიტეტის საბუნებისმეტყველო-მათემატიკურ ფაკულტეტზე. 1905 წელს იგი გარიცხეს ოდესის უნივერსიტეტიდან სტუდენტთა არალეგალური კრებების ორგანიზაციის და დემონსტრაციაში მონაწილეობის გამო; 1906 წელს ხელახლა დააპატიმრეს რევოლუციურ მუშაობაში მონაწილეობისათვის და გადაასახლეს ტამბოვის გუბერნიაში. გადასახლებაში მან შეძლო ტამბოვის გუბერნატორის პირადად ნახვა და აიძულა იგი, გადასახლებულთა ერთ ნაწილზე გაევრცელებინათ ე.წ. "ვიტეს მანიფესტი"; 1906 წელს თავი აღიდგინა ოდესის უნივერსიტეტში, რომელიც 1910 წელს დაამთავრა. სამშობლოში დაბრუნებულს სახელმწიფო გიმნაზიაში მუშაობის უფლება არ მისცეს; ერთი წელი იმუშავა მასწავლებლად სურამის კერძო პროგიმნაზაში; 1911 წლიდან მიიწვიეს იმ გიმნაზიაში, სადაც თვითონ სწავლობდა. აქ იგი ასწავლიდა მათემატიკას 1924 წლამდე; 1918-1926წწ. პარალელურად მუშაობდა თბილისის ჰუმანიტარული ტექნიკუმის მასწავლებლად; 1919 წელს მისი ინიციატივით ჩამოყალიბდა საქართველოს მასწავლებელთა კოოპერატივი; 1926-1941წწ. მუშაობდა თბილისის 23-ე საშუალო სკოლაში, შემდეგ გადავიდა მე-15 საშუალო სკოლაში; 1943-1944წწ. მუშაობდა სიღნაღის რაიონის სოფელ ვაქირის საშუალო სკოლის სასწავლო ნაწილის გამგედ და მათემატიკის მასწავლებლად; 1944-1950წწ. თბილისის ქალთა მე-5, ვაჟთა მე-7 და სხვა სკოლებში; 1947-1949წწ. შეთავსებით მუშაობდა ბათუმის პედაგოგიურ ინსტიტუტში, კითხულობდა მათემატიკის სწავლების მეთოდიკას და ელემენტარული მათემატიკის სპეციალურ კურსს; 1950 წელს დაინიშნა საქართველოს სსრ განათლების სამინისტროს სახალხო განათლების სახელმწიფო მუზეუმის დირექტორად; სხვადასხვა დროს შეთავსებით მუშაობდა პედაგოგიკურ მეცნიერებათა სამეცნიერო-კვლევით ინსტიტუტში, პედაგოგიურ სადგურში, სასკოლო მუშაობის მეთოდ-კაბინეტში და სხვ. ჩართული იყო საზოგადოებრივ საქმიანობაში; ეკუთვნის მრავალი მეთოდური ნაშრომი.

წყარო: http://nateba.net/index.php/biographies/157-parkadze

Member of Organizations

საქართველოს სსრ მშრომელთა დეპუტატების თბილისის საქალაქო საბჭო, დეპუტატი (1948-)
ქართველთა შორის წერა-კითხვის გამავრცელებელი საზოგადოება, წევრი (1914-)

Awards and Honors

სამკერდე ნიშანი "სახალხო განათლების წარჩინებული"
ლენინის ორდენი
საქართველოს სსრ სკოლის დამსახურებული მასწავლებელი

Bibliography

მეთოდური წერილები მათემატიკაში : პედ. ინ-ტის სტუდენტებისა და დამწყებ მასწავლებელთათვის (Author). - თბილისი, სამეცნ.-მეთოდ. კაბინეტის გამ-ბა, 1954. - 220გვ.
ფარდობითი რიცხვები : მასწავლებელთა გამოცდილებიდან (Author). - თბილისი, საქ. სსრ დაწყებითი და საშუალო სკოლის სამეცნიერო-საკვლევო ინ-ტი, 1940. - 55გვ.
წერითი სამუშაოს სახეები მათემატიკაში (Author). - თბილისი, დაწყებითი და საშუალო სკოლის სახელმწიფო სამეცნ.-საკვლევო ინსტიტუტი, 1939. - 28გვ.
ამოცანების ამოხსნა განტოლების შედგენით (Author). - თბილისი, დაწყებითი და საშუალო სკოლის სახელმწიფო სამეცნ.-საკვლევო ინსტიტუტი, 1939. - 40გვ.
გეომეტრია. სისტემატური კურსი : სასწ. წიგნი საშ. სკ. მე-6-8 კლასებისათვის (Author) // ნაწ. 1: პლანიმეტრია. - ტფილისი, სახელგამის სასწ. პედ. სექტორის გა-მა, 1934. - 194, [2] გვ.