მალხაზ მიზანდარი

დაბადების ადგილი: ქ. მოსკოვი.

დაამთავრა თბილისის სახელმწიფო სამედიცინო ინსტიტუტი 1980 წელს.

1980–1983წწ. - თბილისის სახელმწიფო სამედიცინო ინსტიტუტის ასპირანტი სამედიცინო რადიოლოგიისა და რენტგენოლოგიის სპეციალობით; 1984 წლიდან - თბილისის სახელმწიფო სამედიცინო უნივერსიტეტის სხივური დიაგნოსტიკისა და სხივური თერაპიის კათედრის თანამშრომელი; ნიუ-ჰოსპიტალის დიაგნოსტიკური და ინტერვენციული რადიოლოგიის სამსახურის ხელმძღვანელი; საქართველოში ინტერვენციული რადიოლოგიის ფუძემდებელი; თბილისის სახელმწიფო სამედიცინო უნივერსიტეტის რადიოლოგიის დეპარტამენტის სრული პროფესორი; თომას ჯეფერსონის უნივერსიტეტთან აფილირებული ულტრაბგერითი განათლების ცენტრის ხელმძღვანელი. 193 სამეცნიერო ნაშრომის ავტორი, რომლებიც ეხება ჰეპატობილიარული და საშარდე სისტემების, აგრეთვე თვალის სხივურ დიაგნოსტიკას.  ექიმი-რადიოლოგი, მედიცინის მეცნიერებათა დოქტორი (2003).

საკანდიდატო დისერტაციის თემა - "თერმოგრაფია თერმომაჩვენებელთა კომპიუტერული დამუშავებით ქრონიკული ქოლეცისტიტის კომპლექსურ სხივურ დიაგნოსტიკაში", დაიცვა 1987 წელს; სადოქტორო დისერტაციის თემა - "ულტრაბგერითი კვლევის შესაძლებლობები სხივური დიაგნოსტიკის კომპლექსში და პერკუტანულ ტრანსჰეპატურ ჩარევებში ღვიძლის კეროვანი და სანაღვლე გზების ზოგიერთი ობსტრუქციული დაავადებების დროს", დაიცვა 2003 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.204; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.352; ნიუ-ჰოსპიტალი: newhospitals.ge

• საქართველოს კარდიოვასკულარული და ინტერვენციული რადიოლოგიის ასოციაცია, პრეზიდენტი