ანდრო ნადარეიშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამედიცინო ფაკულტეტი 1958 წელს.

1961–1980წწ. იყო  სანკტ–პეტერბურგის სამხედრო–სამედიცინო აკადემიის კუპრიანოვის სახელობის გულ-სისხლძარღვთა ქირურგიის კლინიკისა და კათედრის ასპირანტი, ასისტენტი, უფროსი ასისტენტი; თბილისის ქირურგიის ინსტიტუტის გულის ქირურგიული განყოფილების უფროსი მეცნიერ–თანამშრომელი. ავტორია 121 სამეცნიერო ნაშრომისა ზოგადი კარდიოქირურგიის აქტუალურ საკითხებზე. გამოქვეყნებული აქვს ორი მონოგრაფია: "ღია არტერიული სადინარის გართულებული და ატიპიური კლინიკური ფორმები"(თბილისი, 1988), "რენოვასკულარული ჰიპერტონია"(თბილისი, 1999). მისი ხელმძღვანელობით დაცულია 3 საკანდიდატო დისერტაცია.კარდიოქირურგი, მედიცინის მეცნიერებათა დოქტორი.

საკანდიდატო დისერტაციის თემა - "ფილტვის არაპარაზიტული კისტები", დაიცვა 1966 წელს; სადოქტორო დისერტაციის თემა - "ღია არტერიული სადინარის გართულებული და ატიპიური კლინიკური ფორმები(ჰემოდინამიკის, დიაგნოსტიკისა და ქირურგიული მკურნალობის თავისებურება", დაიცვა 1988 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.216

• ევროპის კარდიოლოგთა საერთაშორისო ასოციაცია, წევრი
• საქართველოს კარდიოქირურგთა ასოციაცია, წევრი

• რენოვასკულარული ჰიპერტონია : კლინიკა, დიაგნოსტიკა, ქირურგიული მკურნალობა (თანაავტორი). - თბილისი, 1999. - 219გვ.