ანზორ დოლენჯაშვილი

დაბადების ადგილი:  სოფელი კარდანახი, გურჯაანის რაიონი.

დაამთავრა შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი.

1975-1976წწ. იყო მ. თუმანიშვილის სახელობის კინომსახიობთა თეატრის რეჟისორის თანაშემწე; 1977-1978წწ. ფოთის ვ. გუნიას სახელობის სახელმწიფო თეატრის მსახიობი; 1981 წელს დააარსა ი. ჭავჭავაძის სახელობის ალიბეგლოს (საინგილო) ქართული სახალხო თეატრი; ამავე წლიდან იყო მისი სამხატვრო ხელმძღვანელი და დირექტორი; თეატრის საუკეთესო დადგმები: გ. ერისთავის "უჩინმაჩინის ქუდი", ლ. ასათიანის "ბასიანის ბრძოლა", დ. აწყურელის "ბერბიჭები" (ინგილოურ დიალექტსა და აზერბაიჯანულ ენაზე), ლ. უსტინოვის "პატარა მეარღნე", ა. გეწაძის "შუაზე გაყოფილი ცრემლი", ა. ჩხაიძის "თავისუფალი თემა", ნ. დუმბაძის "საბრალდებო დასკვნა"ო. იოსელიანის "სანამ ურემი გადაბრუნდება"; საკონცერტო პროგრამა: "ქართული სიმღერის საღამო", ლიტერატურული თეატრი "ჩვენი ილია" (ი. ჭავჭავაძის ნაწარმოების მიხედვით).

წყარო: საქართველო: ენციკლოპედია: ტ.2. – თბ., 2012. – გვ.471; საქართველოს თეატრალური საზოგადოება: m.facebook.com

• 1988 - საქართველოს სახელმწიფო პრემია
• ივანე ჯავახიშვილის სახელობის მედალი