ავთანდილ დოლიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1963 წელს.

1964 წლიდან მუშაობს პ. მელიქიშვილის სახელობის ფიზიკისა და ორგანული ქიმიის ინსტიტუტში სხვადასხვა თანამდებობაზე; 2004 წლიდან ევროპის უსაფრთხოებისა და თანამშრომლობის ორგანიზაციის (ეუთო) საერთაშორისო ტექნიკური ექსპერტია; კვლევის ძირითადი მიმართულებაა: ნატიფი ორგანული სინთეზის, ქიმიურ ეკოლოგიური სახიფათო ნარჩენების უტილიზაციისა და დაბინძურებული ტერიტორიების რეაბილიტაციის ტექნოლოგიების მეცნიერული საფუძვლების შექმნა და პრაქტიკაში გამოყენება; ქიმიის მეცნიერებათა დოქტორი (1988), პროფესორი (1990).

წყარო: საქართველო: ენციკლოპედია: ტ.2. – თბ., 2012. – გვ.473

• 2007 - პეტრე მელიქიშვილის სახელობის პრემია
• 2002 - ვახტანგ გორგასლის III ხარისხის ორდენი